Kurżitajiet
Ara r-reazzjoni ta’ dan ir-raġel meta nduna li martu tqila bi triplets

Mara tqila f’Iowa, fl-Istati Uniti, marret tagħmel ultrasound għall-ewwel darba.

Żewġha u binhom ċkejken baqgħu jistennewha fil-karozza, għax ma setgħux jidħlu magħha minħabba r-restrizzjonijiet marbuta mal-Covid-19.

Meta l-mara ħarġet lura bir-ritratti tal-ultrasound f’idejha, il-missier deher ħerqan biex jara lil ibnu jew bintu, iżda fir-ritratti sab xena li ma kienx qed jistenna.

Ir-reazzjoni tiegħu, u anki ta’ ibnu, hija imprezzabbli, u nqabdet fuq il-filmat miġbud minn martu.

Twissija: Il-filmat, li xxandar fuq il-midja soċjali, fih xi kliem oxxen