Kronaka
ARA: Raġel bil-krozzi jaljena lil tal-ħanut sakemm sħabu jisirqu

Tliet persuni li lbieraħ waranofsinhar daħlu f’ħanut tal-fajjenza fil-Ħamrun jidher li kienu kompliċi biex jisirqu għadd ta’ oġġetti.

Kienu ftit qabel is-1.30pm meta fil-ħanut daħlu mara u raġel, segwiti ftit tal-ħin wara minn raġel ieħor bil-krozzi.

Il-koppja jidhru jduru flimkien madwar il-ħanut, bil-mara kemm-il darba tidher fil-filmat titfa’ oġġetti fil-basket. F’ħin minnhom ir-raġel li kien magħha wkoll jidher jieħu kaxxa minn fuq l-ixkaffa u jitfagħha fil-qalziet.

Waqt li dawn it-tnejn kienu qed jisirqu r-raġel tal-krozzi sejjaħ lis-salesgirl fuq in-naħa l-oħra tal-ixkaffar, biex taparsi tgħinu jfittex xi prodotti.

Wara dan l-episodju l-koppja u r-raġel tal-krozzi jimxu biswit xulxin fil-ħanut, bil-koppja tibqa’ ħierġa ‘l barra, u r-raġel tal-krozzi li pront beda jlebbet ‘il barra warajhom.

Kien f’dan il-mument li l-ħaddiema tal-ħanut indunaw b’dak li kien qed jiġri u ġrew wara r-raġel, iżda kien tard wisq.

TVM infurmat li dawn it-tliet persuni diġà ntlemħu jisirqu fi ħwienet oħra. Persuna qrib it-tmexxija tal-ħanut qal lil TVM li l-filmat kien ġie muri lis-sidien tal-ħwienet tal-madwar biex ikunu mwissija dwar dawn il-persuni.

TVM qed jgħaddi wkoll il-filmati oriġinali lill-Pulizija.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar