Barranin
ARA: Rekord ta’ nirien jeqirdu parti sostanzjali mill-Amażonja

Fil-Brażil, tkompli tisħon il-qiegħa bejn il-President Jair Bolsonaro u l-għaqdiet ambjentali. Dan wara li statistika tal-aġenzija spazjali turi li din is-sena, l-ikbar pulmun fid-dinja . . . l-Amażonja . . . inħakment minn rekord ta’ nirien . . . kważi 73,000 każ b’kollox. Fl-Amażonja, jgħixu miljun persuna u 3 miljuni ta’ speċi ta’ annimali u pjanti.

L-ambjentalisti qed jippuntaw is-swaba’ lejn Bolsonaro għal dan il-freġju minħabba li qalu qed iħeġġeġ lill-bdiewa biex jaqtgħu s-siġar bl-addoċċ. Mill-banda l-oħra, Bolsonaro allega li l-ambjentalisti qed iqabbdu n-nirien apposta biex ipattuha lill-Gvern talli qatgħalhom il-fondi.

Kawża tad-duħħan min-nirien, il-belt ta’ Sao Paulo spiċċat fi dlam ċappa għax inqata’ d-dawl.