Barranin
ARA: Salvat it-8 tifel mill-għerien fit-Tajlandja

Illum inħarġu ħajjin erbat itfal oħra u b’hekk issa telgħu għal tmienja s-subien li nħarġu qawwijin u sħaħ. Il-ħidma ta’ salvataġġ mistennija tkompli għada bit-tama li jinħarġu l-aħħar erbat itfal u l-kowċ tagħhom.

Waqt li t-Tazza tad-Dinja riesqha lejn tmiemha, x’aktarx li bħalissa l-aktar tim fuq moħħ kulħadd hu il-‘Wild Boars’ li miegħu jilagħbu t-tfal Tajlandiżi li ntilfu għal ġimagħtejn sħaħ fl-għerien u għalkemm instabu mhux faċli joħorġu minnhom.

Sa issa nħarġu tmienja mit-tnax-il tifel ta’ 12-il sena, bl-għaddasa tal-qawwa navali Tajlandiża jittamaw li l-aħħar erbat itfal u l-kowċ tagħhom jinħarġu fit-tielet u l-aħħar fażi ta’ din l-operazzjoni delikata.

Bħall-ewwel erba’ itfal, is-subien li nħarġu fl-aħħar sigħat ittieħdu minnufih fi sptar fit-Tramuntana tat-Tajlandja u tqiegħdu taħt kwarantina minħabba l-biża’ ta’ xi infezzjonijiet. Il-Ministru tal-Intern Tajlandiż qal li t-tfal li nħarġu jinsabu f’kundizzjoni tajba. Żied jgħid li l-vjaġġi għall-ħruġ mill-għar qed idumu madwar ħames sigħat u nofs, ferm inqas mill-ħdax-il siegħa li kienu qed jieħdu l-għaddasa l-ġimgħa li għaddiet biex iwaslulhom il-provvisti.

Skont l-esperti tat-temp, it-theddida tax-xita qalila li tista’ tkompli tiggrava l-ħidma ta’ salvataġġ m’għadix qawwija daqskemm kien maħsub qabel. Minkejja dan, bejn il-Ħadd u t-Tnejn il-livell tal-ilma fl-għerien żdied bi ftit iżda ma jidhirx li fixkel il-ħidma ta’ salvataġġ li d-dettalji tagħha qed jibqgħu pjuttost mistura.

Ara wkoll:

Tibda l-operazzjoni biex jinħarġu t-tfal maqbuda f’għar fit-Tajlandja

Aħbarijiet Oħra
Barranin

Shamima Begum –  it-tfajla Ingliża li telqet minn pajjiżha biex tingħaqad mal-Istat Iżlamiku spiċċat welldet fis-Sirja minkejja t-talbiet tagħha. Shamima kienet qalet li xejn ma kienet skurmentata bil-vjolenza li rat…

Barranin

Il-President tal-Istati Uniti Donald Trump sejjaħ lill-pajjiżi Ewropej, fosthom r-Renju Unit, Franza u l-Ġermanja biex jgħaddu ġuri lill madwar 800 militant tal-grupp li jsejjaħ lilu innifsu Stat Iżlamiku li nqabdu…

Barranin

Il-President tal-Parliament Ewropew, Antonio Tajani qed jaffaċċja kiritka qawwija wara li sejjaħ partijiet mill-Kroazja u l-Islovenja bħala reġjuni Taljani. Id-dikjarazzjoni ta’ Tajani xejn ma niżlet tajjeb mal-ex prim ministri u…

Barranin

Ajruplani militari waslu f’Venezwela bl-għajnuna umanitarja, mal-burdura ta’ Cucuta. L-għajnuna waslet wara li l-Kap tal-Oppożizzjoni Juan Guaidó għamel talba għall-għajnuna. Min-naħa l-oħra, il-President Nicolás Maduro qed jallega li l-għajnuna umanitarja hija…

Aktar