Lokali
Ara: Is-sigriet kontra l-kanċer – li jibqa’ pożittiv u jibqa’ jaħdem

Raymond Cutajar ilu snin jissielet mal-marda tal-kanċer, iżda din mhix ser taqtagħlu qalbu biex jgħix ħajtu fil-milja tagħha. Ray kien ħaseb li fieq mill-kanċer iżda ftit jiem ilu ngħata l-aħbar li l-kanċer reġa’ tfaċċa.

Raymond Cutajar magħruf f’Birżebbuġa bħala l-Mundu, ilu sitt snin jissielet mal-marda tal-kanċer. Ftit tal-ġimgħat ilu ħa aħbar tajba li l-kanċer kien sparixxa wara li kien jilgħabha bejn ħajja u mewt.

Madankollu ftit tal-jiem ilu, reġgħu sabulu traċċi żgħar tal-kanċer. Minkejja l-marda, u żjarat ta’ kull ġimgħa fl-isptar tal-onkoloġija, Raymond jibqa’ pożittiv. Qal li mhux se jaħli ħin joqgħod jibki f’rokna, imma sakemm itih in-nifs, jibqa’ attiv u jgħix il-ħajja.

Raymond Cutajar qal li “issa mbilli ninkwieta, ġejt u bdejt narma, u nkompli narma, u li nixtieq nixtireh, innaddaf id-dar u nibqa’ għaddej bil-ħajja u ħallieh iħabbat.”

Raymond li huwa missier ta’ żewġt itfal. F’Birżebbuġa huwa magħruf ħafna għall-passjoni li għandu għall-parroċċa ta’ San Pietru fil-Ktajjen. Għal Raymond il-jiem tal-Ġimgħa Mqaddsa huma speċjali u bħalissa għaddej bl-aħħar irtokki fil-kappella li għamel hu stess fid-dar tiegħu.

Ray jemmen li sakemm jista’ jiċċaqlaq se jibqa’ attiv u ma joqgħodx jaħseb fuq li għandu.

“Dik li ma jkolli nagħmel xejn ittini rasi, mhux li għandi, il-bqija kif tiġi ħudha, u mmexxu, issa jew mal-ħajjin jew mal-mejtin” qal Raymond.

Ray qal li minkejja t-tbatija, il-filosofija ta’ ħajtu hi li japprezza kull nifs li jieħu, u jemmen li dan kien is-sigriet li sa issa żammu ħaj.

Aħbarijiet Oħra
Qorti

Seba’ snin wara li  pazjent fl-Isptar Karin Grech faga mejjet waqt li kien qed jiekol tiġieġa ntemmu l-proċeduri kriminali kontra tliet membri tal-istaff tal-infermiera. L-infermiera Maria Bondin ta’ 61 sena…

Qorti

Raġel ta’ 42 sena miż-Żebbuġ, Għawdex inżamm arrestat wara li tressaq fil-Qorti t’Għawdex, quddiem il-Maġistrat Joanne Vella Cuschieri akkużat bi traffikar tad-droga kokaina kif ukoll bil-pussess ta’ droga kokaina u…

Lokali

Bħalissa, il-Prim Ministru Joseph Muscat qed jindirizza konferenza tal-aħbarijiet dwar Brexit. Matulha Dr Muscat ħabbar it-tħejjijiet li qed tagħmel Malta f’każ li r-Renju Unit joħroġ mill-Unjoni Ewropea mingħajr ftehim u…

Lokali

Il-Ministeru tal-Familja u s-Solidarjetà Soċjali qassam €150,000 lil għaxar Kunsilli Lokali biex jirrenovaw il-housing estates fil-lokalità tagħhom. Fost il-kunsilli li ngħataw il-fondi hemm tal-Marsa, il-Ħamrun, Santa Venera, il-Belt Valletta u…

Aktar