Kurżitajiet
ARA: Spettaklu bil-barri u l-atleti t-tnejn rebbieħa

L-arti tal-lotta mal-barri, tul is-snin saħħret u ispirat artisti, ħassieba u kittieba kbar, bħal Picasso, Hemmingway, Garcia Lorca u Vargas Llosa. Fil-jiem sħan tas-sajf, fl-irħula u bliet Spanjoli jiġu organizzati attivitajiet, fejn il-protagonist huwa l-barri bravo Spanjol, imrobbi fil-ftuħ tal-pjanuri Spanjoli, imnissel mill-aqwa barrin, daqslikieku kien żiemel tat-tiġrija jew kelb tal-wirjiet, u magħruf għaliex huwa qalbieni.

Għalkemm l-arti tal-lotta mal-barri b’ torero hija dik l-aktar magħrufa, hemm użanzi oħrajn, inqas famużi barra l-peniżola Iberika, iżda li xorta waħda jagħtu spettaklu lill-pubbliku. Waħda minnhom hija l-prattika tar-recortadores, fejn xi rġiel jagħtu spettaklu bil-kapaċitajiet tagħhom sabiex b’movimenti inġenjużi jevitaw il-qrun li ma jaħfirx tal-barri. B’differenza għall-barrin tal-lotta b’torero, dawn il-barrin ma jinqatlux. Din il-prattika tar-recortadores hija popolari l-aktar fir-reġjun ta’ Valencia.

Għalkemm Spanja, huwa forsi l-aktar pajjiż fl-Ewropa fejn l-arti mal-barri hija magħrufa, din il-prattika ssir ukoll fuq bażi regolari ġewwa l-Portugal u fi Franza. Il-lotta mal-barri l-aktar magħrufa fil-Portugall hija dik tal-forcados fejn, grupp ta’ tmien irgiel jaħkmu l-bhima, wara li l-mexxej tagħhom jistiedenu biex jagħti s-salt. Il-mexxej min-naħa tiegħu jaqbad il-barri minn qrunu, filwaqt li l-membri l-oħra jrażnuh sakemm dan jiġi miżmum f’post wieħed, bl-aħħar forcado jkun dak li jkun qed iżomm il-barri minn dembu. L-inċidenti u l-fatalitajiet tal-forcados mhumiex rari, għalkemm ħafna drabi l-qrun tal-barri jkunu mgħottija b’ġilda apposta.

Għal ħafna Maltin, festa ma tkunx festa jekk ma jkunx fiha l-logħob tan-nar, u żgur li għal ħafna fi Spanja, festa ma tkunx festa mingħajr il-barri.

Aħbarijiet Oħra
Kurżitajiet

Filmat li ttella’ fuq il-midja soċjali qajjem furur fost dawk li ta’ spiss jivvjaġġaw bl-ajruplan. Fil-filmat jidher raġel li ma ddejjaq xejn jinża ż-żarbun biex juża’ saqajh u jinnaviga fuq touchscreen…

Temp

Is-sħana li għamlet f’Ġunju kienet l-iktar waħda qawwija għal dan ix-xahar f’96 sena. Fi stqarrija, l-Uffiċċju Metereoloġiku fl-Ajruport Internazzjonali ta’ Malta qal li f’Ġunju t-temperatura medja laħqet 26.3°C, u l-aħħar…

Lokali

Pedro għandu sena, u ma jitflifx bulettin tal-aħbarijiet wieħed minn ta’ TVM. Il-favorit tiegħu iżda huwa ta’ nofsinhar, li jinqara minn Joe Dimech. Ommu, Maryanne Molina Xuereb, qalet lil TVM…

Barranin

Kelb fi New Jersey ma ħasibhiex darbtejn biex jeħodha ma’ ors li sab fil-ġnien tal-ġirien tiegħu. L-inċident inqabad minn kamera tas-sigurtà, u f’leħħa ta’ berqa dar mad-dinja wara li ttella’…

Aktar