Kurżitajiet
ARA: Standing ovation għal Giorgia ma kinitx biżżejjed biex tkun finalista fi BGT

Wirja mill-aqwa tal-kantanta Maltija Giorgia Borg fis-semi finali ta’ Britain’s Got Talent (BGT), tant li meta spiċċat tkanta l-kanzunetta oriġinali tagħha  ‘Be Free’, kellha standing ovation mill-ġurija u l-udjenza.

Iżda minkejja li bbrillat bil-vuċi tagħha u saħħret lill-udjenza, Giorgia ma rnexxilhiex tgħaddi għall-finali ta’ dan il-konkors mużikali televiżiv tant popolari u prestiġġjuż.

Giorgia kienet l-iżgħar parteċipanta fi BGT, hekk kif fl-età ta’ 11-il sena rnexxielha tikseb l-ammirazzjoni tal-ġurija għall-vuċi li għandha u l-kapaċità li tikteb il-kanzunetti tagħha stess.

Ara hawnhekk il-wirja li tat ilbieraħ fis-semi finali tat-13-il edizzjoni ta’ BGT li xxandret dirett fuq l-istazzjon Ingliż ITV.

Ara wkoll:

ARA: Kantanta Maltija timpressjona l-ġurija ta’ Britain’s Got Talent