Lokali
Ara: Ta’ 86 sena jerfa’ l-konkos u mimli saħħa

Għandu 86 sena, u 40 sena ilu kien magħruf bħala Joe Strongman Falzon u kien popolari bil-kumpanija tiegħu The Magnificent Seven. Minkejja li għandu 86 sena, Joe Falzon, għadu jitħarreġ kuljum b’eżerċizzji diffiċli għax jgħid li b’dan il-mod biss jista’ jgħix kuntent u f’saħħtu.

Joe Falzon magħruf bħala Strongman, m’għadux jagħmel l-bravuri biex juri saħħtu kif kien sa ftit snin ilu. Iżda ta’ 86 sena għadu mimli għomor fid-dar ċkejkna tiegħu f’Marsaskala fejn għandu bosta tifkiriet u ma jonqas ir-ritratt tal-artist Steve Reeves li tant jammira. Bl-ispettakli tas-saħħa, Joe kien anki jirriskja ħajtu.

Joe Falzon qal “l-iżjed li batejt meta għamilt is-show 12-il siegħa fuq l-imsimer hemmhekk rajt il-bambin bl-imsiemer deħlin u ħerġin, hemm xhud iż-Żejtun kollu”.

Bosta kienu l-bravuri biex juri li kellu saħħa barranija: ġibed ajruplan, refa’ karozzi, saqqu fuqu, karozzi bil-ħġieġ taħtu u żamm żewġt iżwiemel jiġbduh minn kull naħa.

Joe wriena r-ritratti tal-għaxart itfal tiegħu, li kienu jagħmlu miegħu l-wirjiet tal-akrobazija. Kif konna ħdejh, Joe wrina li għadu fiżikament f’saħħtu minkejja l-età tiegħu. Qalilna li dan l-eżerċizzju jagħmlu kuljum għax itih iktar saħħa u jagħti parir lil kulhadd biex l-eżerċiżzju jkun parti mir-rutina tal-ħajja.

Joe Falzon qal “meta timxi għoxrin minuta kuljum, daqshekk tiġi miżerja. Min jittrenja ma jimradx, dak il-parir tiegħi.”

Joe jgħin żgħażagħ oħra jsegwu l-passi tiegħu, u jagħti pariri lil Dylan Callus champion tal-weightlifting u Tony Farrugia. Flimkien ma’ martu, u bil-pipa f’ħalqu ħdejn il-baħar, Joe Strongman Falzon huwa leġġenda ħajja mnaqqxa fl-istorja Maltija.

Aħbarijiet Oħra
Ambjent

Kruċjali għall-ħajja ta’ kulħadd…u għal Malta hu riżorsa prezzjuż daqs id-deheb! Hawnhekk qed nirreferu għall-ilma. Hu stmat li kull persuna f’Malta tuża mal-110 litri ta’ ilma kuljum. Il-pubbliku jista’ jitgħallem…

Pulizija

Sal-aħħar tas-sena d-dieħla, il-Korp tal-Pulizija għandu jkollu strateġija ta’ trasformazzjoni. F’intervista estensiva mal-Kap Eżekuttiv tal-Pulizija li tixxandar fil-programm DISSETT wara dan il-bulettin, is-Sur Gafa’ qal li d-direzzjoni tat-tiġdid ser isir…

Politika

Il-Prim Ministru u l-Mexxej tal-Partit Laburista, Joseph Muscat, akkuża lill-Partit Nazzjonalista li ma ppreżentax biżżejjed kandidati għall-elezzjonijiet tal-Kunsilli Lokali fi 23 lokalità f’Malta u f’Għawdex bl-għan li jiskoraġixxxi lin-nies milli…

Għawdex

Tnieda l-proġett għall-installazzjoni tat-tieni fibre optic cable bejn Malta u Għawdex, bil-gvern iħabbar li l-proġett se jitwettaq minn kumpanija Taljana. Il-cable il-ġdid mistenni jsaħħaħ l-infrastruttura diġitali f’Għawdex u jżid il-potenzjal…

Aktar