Lokali
ARA: Tfal Maltin jibdew jaraw il-pornografija mill-età ta’ 9 snin

Waqt il-programm TVAM, ġie diskuss kif tfal Maltin bl-etajiet bejn id-9 u l-11 -il sena qegħdin jaraw il-pornografija.

Skont Matthew Bartolo, counsellor li jispeċjalizza fl-analiżi tar-relazzjonijiet u s-sess, dan kollu qed iħalli effetti psikoloġiċi fuq it-tfal tant li meta jilħqu l-età ta’ maturità jibdew jesperjenzaw problemi emozzjonali u psikoloġiċi. Huwa qal ukoll li kull xahar, madwar 9 minuri jispiċċaw jidħlu fi kriżi psikologika minħabba li jkunu esponew ruħhom għall-pornografija minn żmien bikri.

Issemma’ wkoll li f’Malta, id-19 l-aktar sit popolari f’pajjiżna mat-tfal bejn is-6 snin u 14-il sena huwa wieħed pornografiku.

Bartolo qal li din hija realtà li għandha bżonn tiġi studjata u indirizzata f’aktar dettall.