Lokali
Ara: Tilef nofs wiċċu wara li kien iġġarraf bl-ajruplan

Minkejja li 30 sena ilu tilef nofs wiċċu u sofra ġrieħi gravi meta ġġarraf b’ajruplan żgħir, il-bdot Ivan Gatt ma jibżax jirkeb l-ajruplan, la bħala bdot u lanqas bħala passiġġier. Ma’ TVM, is-sur Gatt qal li wara l-inċident gravi bl-ajruplan li kellu fl-Iżvizzera, żviluppa passjoni għas-saħħa u s-sigurtà biex in-nies jevitaw l-inċidenti.

Il-bdot u inġinier Ivan Gatt ma jista’ jinsa’ qatt l-inċident gravi li kellu b’ajruplan privat tletin sena ilu f’Zurich l-Iżvizzera, meta l-ajruplan jiġġarraf waqt l-inżul tiegħu u li seta’ faċilment miet.  Waqt li ħelisha bi ġrieħi gravi f’wiċċu, Gatt jibqa’ jgħoddha b’waħda għax kien b’miraklu li ħelisha fl-inċident b’ajruplan tat-tip Cessna 421B, tal-kumpannija Eagle Aviation li kien qed jivvjaġġa fuqu bi stedina.

Ivan Gatt qal “irċevejt telefonata minn kollega tiegħi, qalli trid tiħi titjira miegħi se mmur Ruma, tagħmilli kumpanija, ajruplan iffissat fuqhom kont għadni kif ġibt il-liċenzja”.

L-Inġinier Gatt qal li meta kien nieżel l-ajruplan jiftakar biss iċ-ċpar, u xi twissijiet mit-torri tal-kontroll ta’ Zurich.

“L-aħħar li niftakar mit-torri tal-kontroll għal-landing, minn hemm ‘l hemm ma niftakar xejn, niftaħ għajnejja u nsib ruħi l-isptar..qas nista’ niċċaqlaq” qal Gatt.

Qalilna li wara l-inċident dam żmien twil rikoverat fi sptar f’Zurich, fejn bnewlu mill-ġdid wiċċu, permezz ta’ kirurġija plastika, u biex ħajtu ġiet kważi għan-normal, għaddew tlett snin, iżda għadu jsofri minn diżabilità u wġigħ fl-għadam. L-Inġinier Gatt jgħid li l-istorja tat-tiġrif tal-ajruplan biddlitlu ħajtu iżda qatt ma naffritu milli jtajjar ajruplan jew jitla’ bħala passiġġier.

Ivan Gatt qal “l-ivvjaġġar bl-ajru the safest, tant għandu regolamenti, miżuri ta’ sigurtà.”

L-Inġinier Gatt jaħdem fis-saħħa u s-sigurtà u saħanistra fl-iskejjel b’mod volontarju għax jemmen li t-tfal għandhom sa minn ċkunithom jitgħallmu fuq is-saħħa u s-sigurtà, li mhux biss jgħin lilhom iżda jistgħu jsalvaw ħajjet ħaddieħor.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar