Lokali
ARA: Togħma ta’ kif se jkun il-mużew virtwali f’Dar il-Mediterran

Il-Kap Eżekuttiv tal-MCC, Pierre Fenech, ta togħma ta’ kif il-pubbliku se jkun jista’ jgawdi l-mużew virtwali – proġett li se jitnieda aktar tard din is-sena fl-okkażjoni tal-40 sena anniversarju mill-ftuħ tad-Dar il-Mediterran għall-Koferenzi.

Is-Sur Pierre Fenech spjega lil TVM kif f’dawn l-aħħar 4 snin kienet qed issir ħidma fuq proġett differenti, mhux tas-soltu u l-ewwel wieħed tax-xorti tiegħu f’Malta – dak ta’ mużew virtwali. Huwa kompla jispjega kif il-pubbliku se jkun jista’ jara xeni minn tal-imgħoddi li kienu jsiru propju fis-Sagra Infermeria, dik li llum nafuha bħala Dar il-Mediterran.

TVM tkellem ukoll mas-sur Anthony Miceli Demajo li kien l-ewwel persuna li rifes fl-MCC meta ngħatat wiċċ ġdid. Huwa qal li dik li kellha tkun l-idea li l-post isir biex jilqa’ l-konferenzi nbidlet f’waħda li tagħti esperjenza unika lill-pubbliku biex iduq ftit minn dak li kien isir/sar fl-imgħoddi fis-7,000 sena tas-storja ta’ Malta.

Il-Perit Vince Cassar, li kien ta sehem ewlieni fir-restawr ta’ Dar il-Mediterran spjega kif il-ħaddiema kienu ħadmu lejl u nhar biex il-post jingħata wiċċ ġdid f’100 jum.

Huwa rrakkonta dwar l-isfida ewlenija tax-xogħlijiet fejn is-saqaf kellu jinbidel kollu. Huwa qal li r-riżultat finali taħ soddisfazzjon kbir.

 

Aħbarijiet Oħra
Temp

L-Uffiċċju Metereoloġiku fl-Ajruport Internazzjonali ta’ Malta qed iwissi dwar riħ qawwi. Ir-riħ mix-Xlokk Lvant ser ikun qawwi fuq l-inħawi fejn jaqbel tal-Gżejjer Maltin. Din it-twissija tibqa’ fis-seħħ sal-10pm u terġa tiġġedded…

Mużika

Malcolm Pisani nieda s-single ġdida bl-isem ‘RISE’, kanzunetta li hi ddedikata lill-Fondazzjoni Rise. B’din il-kanzunetta, Malcolm jixtieq iwassal messaġġ li jekk fil-ħajja tħossok imkisser u bla tama, m’għandekx taqta’ qalbek….

Qorti

Steven Jones ta’ 50 sena mir-Renju Unit tressaq il-Qorti akkużat li fit-23 ta’ Mejju għamel danni fuq il-proprjetà privata f’San Ġiljan waqt li kien fis-sakra. Huwa ammetta l-akkużi u ngħata…

Lokali

7 sigaħt ilu fetħu l-postijiet tal-votazzjoni tal-Parlament Ewropew u tal-Kunsilli Lokali. Matul dan il-ħin kienu diversi li marru jivvutaw fosthom il-President George Vella, il-Prim Ministru Joseph Muscat u l-Kap tal-Oppożizzjoni…

Aktar