Barranin
ARA: Twaqqaf ix-xarabank biex tiġbor tarbija li lemħet fit-triq

Kienet ġurnata tax-xogħol bħas-soltu għal Irena Ivic; xufier tat-trasport pubbliku fil-belt ta’ Milwaukee, fl-Istati Uniti.

Waqt li kienet għaddejja fuq ir-rotta tagħha, Irena lemħet xena li qajmitilha ġisimha xewk xewk. Tifel ċkejken kien qed jiġri waħdu fit-triq, ħafi u bla qalziet, f’kesħa liema bħalha.

Irena ma ħasbitiex darbtejn, u minnufih waqqfet ix-xarabank u niżlet fit-triq biex tiġbor lit-tarbija, li wara l-awtoritajiet qalu li kellu inqas minn sena.

“Qed nirtrogħod,” qalet Irena lil wieħed mill-passiġġieri meta telgħet lura fix-xarabank bit-tarbija f’idejha. Passiġġiera oħra neżgħet il-ġakketta tagħha u tagħtha lil Irena biex tgeżwer fiha lit-tifel, li laħaq raqad f’dirgħajha sakemm waslu l-pulizija.

Il-każ seħħ fit-22 ta’ Diċembru, iżda kien fl-aħħar jiem li l-filmat ta’ dak li seħħ beda jdur fuq il-mezzi tax-xandir. L-awtoritajiet qalu li l-omm kellha problemi mentali u kienet ħalliet lit-tifel barra, li iktar tard ingħata fil-kustodja ta’ missieru.

Aħbarijiet Oħra
Tradizzjonijiet

Dahri kienu jkunu bilqiegħda fuq xi banketta ħa taqa’ biċċiet biswit xi zuntier għall-frisk, libsin qmis bajda qoton, sidrija miftuħa beraħ, u beritta. F’idejhom, l-għannejja kien ikollhom kitarra, u bi…

Barranin

Il-kandidat Demokratiku għall-elezzjonijiet presidenzjali Bernie Sanders wissa lir-Russja biex ma tindaħalx fl-elezzjonjiet hekk kif uffiċjali tas-sigurtà Amerikani kienu rrappurtati li qalu li Moska qed tipprova tassistih fil-kampanja. Sanders li għandu…

Barranin

Fl-Italja, tmut it-tieni persuna fi spazju ta’ ftit sigħat riżultat tal-coronavirus, hekk kif il-każijiet li rriżultaw pożittiv għal virus telgħu għal 53. L-aħbar tal-mewt ta’ mara li skond l-aġenzija tal-aħbarijiet…

Kurżitajiet

Il-Karnival tant mistenni, aktarx l-aktar miċ-ċkejknin, jinsab magħna. Madanakollu, lil hinn mill-bluha u x-xalar li jikkaratterizzaw xi ftit jew wisq dawn il-jiem ta’ briju, ‘Sibtek’ illum jissokta b’programm ieħor mimli…

Aktar