Kurżitajiet
ARA: Waddab il-fridge għal isfel biex jiġbed saqajn l-awtoritajiet Spanjoli

Raġel li xtaq jiġbed saqajn l-awtoritajiet Spanjoli dwar is-sistema ta’ riċiklaġġ fil-pajjiż ġietu z-zalza ogħla mill-ħuta. Dan hekk kif kellu jara kif jagħmel u jerġa’ jiġbor lura l-fridge li rema mill-irdum għal isfel.

L-awtoritajiet Spanjoli rnexxielhom jikxfu l-identità tar-raġel li rema l-fridge b’mod illegali u ordnawlu li jarmiha kif suppost.

Mill-investigazzjonijiet tal-pulizija Spanjola, instab li r-raġel jaħdem għal kumpanija li tbigħ it-tagħmir domestiku fir-reġjun ta’ Almeria. Il-Pulizija għandha suspett li l-kumpanija wkoll qed tarmi b’mod illegali.

Il-Pulizija marru flimkien mar-raġel biex jassiguraw li dan jiġbor il-fridge mill-irdum filwaqt  li se jħallu f’idejn il-qorti tiddeċiedi x’piena tagħti lir-raġel.

Fil-filmat, li dar mal-erbat irjiħat, ir-raġel jidher qed iqandel il-fridge minn ġo van qabel ma jwaddabha mill-irdum għal isfel filwaqt li jinstema jgħid ”Tlaqna nirriċiklaw, ejja!’

https://www.facebook.com/plugins/video.php?href=https%3A%2F%2Fwww.facebook.com%2FAsociacionUnificadaGuardiasCiviles%2Fvideos%2F881881112189596%2F&\

 

 

 

Aħbarijiet Oħra
Teknoloġija

Jekk kont taħseb li reat kriminali jinvolvi biss qtil, kull xorta ta’ vjolenza, jew frodi, mela għarralek. It-teħid ta’ data mingħajr permess huwa meqjus bħala reat kriminali daqstant ieħor gravi….

Televiżjoni u Radju

Daħk, emozzjonijiet, rebħ ta’ rigali, spettaklu, u kurżitajiet, imwasslin ġo djarkom mingħand Ryan u Josmar kull nhar ta’ Sibt waqt ‘Sibtek’. Din il-ġimgħa, fost l-oħrajn, Kersten u Shanice, koppja miżżewġa…

Aktar