Mużika
ARA: We Are More se tirrappreżenta lil Malta fil-JESC

Il-Public Broadcasting Services Ltd nediet il-Music Video u d-diska li biha se tkun irrappreżentata Malta fil-Junior Eurovision Song Contest, li se jsir fil-Polonja f’Novembru li ġej.

Eliana Gomez Blanco ser tkun qed tkanta d-diska We Are More, bil-lirika ta’ Rachel Suter, Jonas Thander, Joe Julian Farrugia u Kevin Lee, u b’kompożizzjoni ta’ Jonas Thander u Rachel Suter.

Id-diska, b’messaġġ għaż-żagħzagħ biex ikunu pożittivi u ma jaqtgħux qalbhom, għandha tiżwiqa ta’ żewġ lingwi; dik ta’ l-Ingliż u kif ukoll xi versi bil-Malti, miktuba mill-awtur Malti Joe Julian Farrugia.

Eliana Gomez Blanco, li ngħażlet permezz tal-voti tal-ġurija u tal-pubbliku waqt konkors li sar fis-Sajf, ser tkun qed tirrappreżenta lill-Malta fl-24 ta’ Novembru li ġej, fil-Polonja.

Din is-sena hemm total ta’ dsatax il-pajjiż li ser ikunu qed jipparteċipaw f’dan is-song contest organizzat mill-European Broadcasting Union.

Aħbarijiet Oħra
Qorti

Raġel ta’ 43 sena minn Ħal Tarxien ġie kkundannat 18-il xahar ħabs u mmultat ħames mitt ewro wara li ġie akkużat bi traffikar u pussess ta’ droga u li huwa…

COVID-19

Minn nhar il-Ġimgħa li għadda reġgħu bdew isiru l-funerali taħt għadd ta’ direttivi differenti. Fost id-direttivi hemm li l-funerali jistgħu jsiru fil-miftuħ bħal f’ċimiterji jew fuq iz-zuntier tal-knisja, jew fi knejjes…

Solidarjetà

Il-Federazzjoni Kaċċaturi Nassaba Konservazzjonisti (FKNK) tat donazzjoni ta’ €13,000 lill-Ministeru għas-Saħħa għall-ħidma u dedikazzjoni kollha li saret biex titwaqqaf l-imxija tal-Covid-19 f’Malta u Għawdex. Id-Deputat Prim Ministru u Minsitru għas-Saħħa…

Aktar