Kultura
ARA: Wirja ta’ ritratti fil-Belt tal-iżjed xeni spettakolari

Festa għall-għajnejn fil-mużew tal-arkeoloġija fil-Belt, b’wirja ta’ ritratti ta’ wħud mill-iżjed xenarji spettakolari fil-gżejjer Maltin min ghajnejn fotografi li jfittxu d-dettal. Ir-ritratti tressqu għall-kompetizzjoni internazzjoni, Wiki loves Monuments, li hija organizzata f’ħamsin pajjiż u f’Malta issir mill-Wikimedia Community b’kollaborazzjoni ma’ Spazju Kreattiv u Heritage Malta.

Għaxar ritratti li jiċċelebraw is-sbuħija u l-wirt kulturali tanġibbli u intanġibbli tal-Maltin.

Mijiet ta’ fotografi ħadu sehem fl-akbar kompetizzjoni fotografika fid-dinja, il-Wiki Loves Monuments, b’ritratti li juru wħud mill-isbaħ xenarji fil-pajsaġġ u fil-ħajja kulturali Maltija.

Kienet il-panorama tal-Belt mil-lenti tal-fotografa Ukrena, Olga Prystai, li ntgħażlet bħala r-rebbieħa tal-kompetizzjoni f’Malta.

Fost ir-ritratti li kklassifikaw fl-ewwel għaxar postijiet, angolaturi tar-Rotunda tal-Mosta, il-knisja ta’ Santa Katerina tal-Italja fil-Belt, u l-kuritur ewlieni fil-Palazz tal-Granmastru fil-Belt.

Neville Borg mill-kumitat organizzativ qal li r-ritratti rebbieħa ingħażlu minn ġurija esperta.

”L-għan tal-proġett hu li niddokumentaw l-istorja permezz tal-pjattaforma tal-Wikipedia, il-Wikipedia hija l-ikbar sors ta għarfien fid-dinja fil-verita’ fid-dinja online speċjalment, u permezz ta’ dawn ir-ritratti issa nistgħu niddokumentaw aħjar il-wirt storiku ta’ Malta.”

Russell Muscat, uffiċjal ta’ Heritage Malta, qal li r-ritratti għandhom valur storiku u antropologiku għax jirrakkontaw ukoll l-istorja kollettiva u soċjali tal-poplu Malti.

”Huma disponibbli għal kulħadd biex jintużaw skont ir-regoli tal-Wikipedia u hekk huwa sors ġdid kif qed inqarrbu iżjed viċin lin-nies lejn il-wirt kulturali ta’ pajjiżna.”

Il-President tal-Kumitat tal-Wikimedia, Tony Micallef qal li mill-2010, iżjed minn żewġ miljun ritratt minn madwar id-dinja kienu parti mill-kompetizzjoni Wiki Loves Monuments li turi r-ritratti fuq waħda mill-iżjed web portals popolari fid-dinja.

Ir-ritratti rebbieħa u dawk li tressqu għall-kompetizzjoni f’Malta jinsabu esebiti fil-Mużew Nazzjonali tal- Arkeoloġija fil-Belt sal-ħmistax ta’ Diċembru.

Aħbarijiet Oħra
Xogħol

L-aħħar ċifri dwar l-impjiegi juru li sa Lulju li għadda, il-ħaddiema fis-suq tax-xogħol kienu jgħoddu ftit aktar minn 221,000 ruħ. Ċifri ta’ Jobsplus maħruġa mill-Uffiċċju Nazzjonali tal-Istatistika juru li fuq…

Lokali

Il-President tal-Parlament Ewropew, David Sassoli kiteb lill-mexxejja Ewropej li llum waranofsinhar u għada se jiltaqgħu għal-laqgħa tal-Kunsill Ewropew fi Brussell biex jieħdu pożizzjoni fuq Malta u jassiguraw li l-valuri Ewropej…

Lokali

Il-Ministru Owen Bonnici qal li jħossu ttradut jekk hu minnu li Yorgen Fenech qal lil Melvic Theuma li kien hemm laqgħa bejn il-Prim Ministru, il-Ministru Bonnici u Keith Schembri. Dan…

Lokali

Il-Ministru għall-Ġustizzja, Owen Bonnici, ippubblika pakkett ta’ emendi għal-liġijiet tad-droga li bis-saħħa tagħhom, il-Qrati se jkollhom iktar diskrezzjoni dwar is-sentenza li għandhom jagħtu f’każ ta’ sejbien ta’ ħtija f’każijiet ta’…

Aktar