Televiżjoni u Radju
ARA: X’dehrilhom dawk li laqgħu l-istedina u żaru l-PBS?

Mijiet ta’ nies laqgħu bi ħġarhom l-istedina tal-PBS biex iżuru l-Creativity Hub, f’open day li laqqgħet lill-pubbliku max-xandara u ma’ ħafna impjegati oħra li jagħtu sehemhom minn wara l-kwinti biex ta’ kuljum ix-xandir pubbliku jwassal programmi u aħbarijiet permezz tal-istazzjonijiet tar-radju, tat-televiżjoni u tas-sit elettroniku.

Għall-pubbliku kienet opportunità wkoll biex jifhem l-aħħar teknoloġija fix-xandir, iżda mhux biss, għax din il-binja fi Gwardamangia hi wkoll mixja mal-istorja tax-xandir f’Malta.

Mat-tokki tal-għaxra ta’ filgħodu diġà kien hemm ġemgħa mdaqqsa ta’ nies quddiem il-bini tal-Creativity Hub, jistennew bi ħġarhom li jżuru l-bini tax-xandir pubbliku. L-open day tat l-opportunità lil pubbliku biex jara mill-qrib ix-xogħol li jsir f’diversi taqsimiet fosthom tar-radju u t-televiżjoni.

In-nies stqarrew li kienu ħerqana jżuru l-PBS biex jaraw kif jaħdmu t-taqsimiet varji, fosthom il-kamra tal-aħbarijiet, l-isports, l-amministrazzjoni, is-sit elettroniku, l-arkivji u l-istudjos tar-radju u tat-televiżjoni.

Kienu bosta li ġew biex jieħdu ritratti u filmati mal-ġurnalisti tal-kamra tal-aħbarijiet jew mal-preżentaturi ta’ Radju Malta, Radju Malta Tnejn u Magic Malta, kif ukoll ma’ diversi atturi tad-drama popolari mxandra fuq Television Malta.

Fost l-iktar taqsimiet li attiraw interess kien hemm l-istudio minn fejn jixxandru l-aħbarijiet u l-laqgħa mal-kast tad-drama popolari bħal L-Għarusa.

Ġest nobbli kien dak li wettqet Rita Brincat, li użat l-okkażjoni biex tħeġġeġ lin-nies imorru wkoll il-bank tad-demm li jinsab biss tefgħa ta’ ġebla bogħod. Qalet li meta kienet fil-bżonn hi, il-ġenerożità tad-donaturi salwalha ħajjitha.

“Għaddejt minn ħafna operazzjonijiet biss biss , għaddejt minn 9 operazzjonijiet,dawn ma tidħolx għalihom jekk ma jkollokx riżerva tad-demm, kieku jien ma stajtx nagħmilhom, il-problema dejjem tiġri warajhom, li jkun hemm nuqqas tad-demm,” qalet is-Sinjura Brincat.

Il-Ministru tal-Kultura, Owen Bonnici, li hu responsabbli mix-xandir pubbliku, segwa l-attività u radd ħajr lill-impjegati tal-PBS għas-servizzi li jwettqu.

Intant, segwi fil-filmat x’kellhom xi jgħidu dawk li żaru l-Creativity Hub illum:

Aħbarijiet Oħra
Unjoni Ewropea

L-Assemblea Parlamentari tal-Kunsill tal-Ewropa li tirrappreżenta 47 pajjiż, approvat rapport kritiku dwar is-saltna tad-dritt f’Malta li tħejja mill-Parlamentari Olandiż Pieter Ormtzigt. Ir-rapport ġie approvat bit-72 vot favur, 18-il vot kontra…

Propjetà

Il-membru tal-Bord tal-Ippjanar tal-Awtorità tal-Ippjanar, Matthew Pace, mhuwiex preżenti għal-laqgħa tal-lum li fiha qed tkun diskussa l-applikazzjoni għall-proġett Townsquare t’Tas-Sliema. Il-ġimgħa li għaddiet il-Qorti tal-Appell sabet li s-Sur Pace kellu…

Qorti

Raġel li twaqqaf mill-Pulizija meta kien wieqaf quddiem ħanut fi Triq Ħal Tarxien f’Raħal Ġdid fis-sigħat bikrin ta’ filgħodu, instab li kellu fuqu oġġetti li jintużaw għall-isgassar u s-serq, fosthom virga,…

Kisbiet

Iċ-Chairman tal-Public Broadcasting Services Limited, Cavaliere Dr Tonio Portughese ppreżenta d-DVDs tal-kunċert mill-Banda La Valette “La Sollevazione di Cristo” u l-intervista mal-Mro Joseph Sammut lill-President Jonathan Grima kif ukoll lis-Sindku…

Aktar