Safar
ARA: X’hemm x’tara fil-Polonja?

Waħda mid-destinazzjonijiet li fil-preżent hija ferm popolari magħna l-Maltin, hija l-Polonja.

Waqt il-programm Buckle Up, it-tim tal-produzzjoni jagħti aktar tagħrif dwar attrazzjonijiet ewlenija li nsibu f’ dan il-pajjiż, prinċipalment il-belt ta’ Krakovja u r-reġjun tal-madwar.

Din il-belt, hija waħda mill-ikbar bliet fil-Polonja u belt mill-aktar popolari mat-turisti. Il-belt ta’ Krakovja hija famuża ħafna għall-istorja rikka u għall-aspett kulturali.

Fil-programmi preċedenti, skoprejna aktar dwar Rynek Glowny, il-pjazza prinċipali li nsibu fil-qalba ta’ Krakovja, li hija meqjusa bħala waħda mill-akbar pjazzez Medjevali li nsibu fl-Ewropa.

Kien jixraq li fil-Polonja nżuru wkoll Wadowice, il-post fejn twieled u għex :tfulitu Karol Woytila, il-maħbub mibki Kap tal-Knisja Kattolika, Papa Gwanni Pawlu II.

Attrazzjoni popolari li ssib f’ dan ir-reġjun huwa l-kamp ta’ konċentrament tal-Ġermaniżi fil-Polonja – il-kamp ta’ Auschwitz, li huwa wkoll sit ta’ wirt dinji protett mill-UNESCO.

Fil-programm Buckle Up, żorna wkoll dik li hija magħrufa bhala l-‘Ghetto Heroes Square’. Imferrxin madwar din il-pjazza tal-eroj, insibu 33 siġġu. Dan il-mafkar jissimbolizza t-traġedja tal-Lhud Pollakki ta’ Krakovja.

Fil-programm skoprejna aktar dwar il-minjiera tal-melħ ‘Wieliczka’, li hija waħda mill-attrazzjonijiet ewlenija fir-reġjun. Din il-minjiera hija meqjusa bħala waħda mill-eqdem minjieri fid-dinja. Aktar minn miljun ruħ iżuru din il-minjiera kull sena.

Mill-minjiera ta’ Wieliczka, il-vjaġġ kompla fil-mużew tal-avjazzjoni Pollakk. Dan huwa mużew kbir tal-ajruplani u magni tal-ingenji tal-ajru antiki. Din l-attrazzjoni interessanti għad-dilettanti tal-ajruplani, tinsab fl-akwata ta’ Krakovja, eżattament fis-sit tal-ajruport Rakowice-Czyzyny, li huwa wieħed mill-ajruporti militari antiki li nsibu fl-Ewropa.

Jekk trid tiskopri aktar dwar diversi destinazzjonijiet interessanti u popolari, tista’ terġa’ tara l-programm Buckle Up fuq TVMi. Buckle Up jixxandar kull nhar ta’ Ħamis fl-4:15pm.

 

Aħbarijiet Oħra
Politika

Il-Kap tal-Partit Nazzjonalista Adrian Delia akkuża lill-Gvern li tilef ir-ruħ soċjali tiegħu, u li qed itellef lil pajjiż mill-fibra morali, tant li fi kliemu sar pajjiż li fih xi ħadd…

Politika

Il-Prim Ministru u l-Mexxej tal-Partit Laburista, Joseph Muscat, qal li issa huwa ż-żmien biex ikun hemm diskussjoni serja dwar l-integrazzjoni biex kulħadd iħossu ugwali. Dr Muscat qal li dan huwa…

Kultura

Festival ta’ films kontemporanji Taljani se jkun organizzat bejn għada u l-Ħadd li ġej mill-Istitut Taljan tal-Kultura b’kollaborazzjoni ma’ Spazju Kreattiv u l-Programm għall-Istudji tal-Film tal-Università ta’ Malta. Cinema Italia…

Saħħa

Il-kumpanija tal-Gvern Malta Air Travel ippubblikat sejħa għall-proposti biex jinstab operatur għas-servizz tal-ajru bejn Għawdex u Malta. Fi stqarrija konġunta bejn il-Ministeru tat-Turiżmu u l-Ministeru għal Għawdex intqal li l-ħelikopter…

Aktar