Ambjent
ARA: X’inhi din il-figura stramba fil-Buskett?

Skultura tal-konkos b’xehda tan-naħal fil-Buskett hi l-qofol ta’ tmiem il-ġimgħa internazzjonali tal-arti tal-Malta International Contemporary Art Space.

Biċċa xogħol artistika tal-artist Pierre Huyghe se tibqa’ għall-wiri f’Wied il-Luq fil-Buskett sal-aħħar ta’ Jannar. L-iskultura jisimha Exomind (Deep Water) u turi figura femminili f’pożizzjoni kokka, b’rasha f’xehda naħal, qalb il-flora u l-fawna ta’ dan il-wied.

Imwieled Pariġi, Pierre Huyghe hu bbażat bejn New York fl-Istati Uniti u Santiago fiċ-Ċili. Ix-xehda tan-naħal inħadmet min-naħħala Maltin, Ray Sciberras u Denise Camilleri. In-naħal mhux Malti iżda Buckfast u kellhom jinġiebu mill-Ingilterra rġejjen li kienu inseminati b’mod artifiċjali.

“In-naħal li użajna fil-bidu kienu nurse bees Maltin imma issa l-kolonja f’dawn l-aħħar sitt ġimgħat li ilu jaħdem fuq ix-xehda tbiddel min-naħal Malti u sar kollu naħal Buckfast. In-naħal Buckfast huwa magħruf li hu naħal kalm u dolce ħafna u mhux agressiv,” spjega Ray Sciberras.

In-naħħala jridu ta’ kuljum jindukraw ix-xehda fl-iskultura li hija l-qofol ta’ avveniment internazzjonali tal-arti li l-Malta International Contemporary Art Space, MICAS, qed jorganizza fi tmiem din il-ġimgħa b’kollaborazzjoni ma’ Serpentine Galleries ta’ Londra.

Iċ-Chairperson ta’ MICAS, Phylis Muscat qalet li l-għan ta’ MICAS hu li jkompli jkabbar l-għarfien dwar l-arti kontemporanja u jpoġġi lil Malta fuq ix-xena tal-arti internazzjoni billi juri xogħlijiet ta’ artisti ta’ fama dinjija.

Il-Ministru għall-Kultura Owen Bonnici qal li l-proġett MICAS hu wieħed ta’ legat għax fost oħrajn jagħmilha possibbli biex l-artisti jkabbru l-arti u t-talenti tagħhom.

Il-Prim Ministru Joseph Muscat qal li l-Gvern ma ddejjaq xejn joħroġ €22 miljun għall-proġett MICAS għaliex qal li qed jimla vojt fejn tidħol l-arti kontemporanja. Żied li l-fatt li Serpentine Galleries qed jikkollaboraw ma’ MICAS hu xhieda tal-livell li MICAS mistenni jilħaq fil-ġejjieni.

Aħbarijiet Oħra
Lokali

Il-gvern ħabbar il-ftuħ tal-istaġun tal-insib tal-ħarifa għal żewġ speċi: il-pluviera u l-malvizz. Fi stqarrija tas-Segretarjat Parlamentari għall-Biedja, Sajd u Drittijiet tal-Annimali ntqal li wara li evalwa r-rakkomandazzjonijiet tal-kumitat Ornis, l-istaġun…

Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar