Barranin
Ara x’ipenġi kuljum fuq idu dan il-kandidat għal President Amerikan

Hekk kif it-taqtiegħa għall-elezzjoni tal-Presidenza tal-Istati Uniti tinsab fl-aqwa tagħha, f’dibattitu bejn il-kandidati tal-Partit Demokratiku ġiet innutata tpinġija mhux tas-soltu fuq id wieħed mill-kandidati, impinġija bil-biro.

Fuq idu x-xellugija ġie nnutat salib kbir, imdawwar b’erba’ slaleb iżgħar.

Il-kandidat, Tom Steyer, mhux l-ewwel darba li ġie nnutat fil-pubbliku b’din it-tpinġija fuq idu. Fil-fatt qal li din ilu jagħmilha fuq idu għal talinqas sentejn.

Fil-passat spjega kif dan is-simbolu huwa magħruf bħala s-‘Salib ta’ Ġerusalemm’, u jmur lura għall-meta l-Kristjani invadew Ġerusalemm biex jieħdu l-artijiet mingħand il-Misilmin. Hemm ħafna teoriji dwar x’jista’ jkun ifisser dan is-salib, fosthom Kristu u l-erba’ vanġelji, il-ħames feriti ta’ Kristu fuq is-salib, jew sempliċiment l-erba’ punti tal-kumpass.

Steyer qal li jpenġi dan fuq idu biex dejjem jiftakar li għandu jgħid il-verità, akkost ta’ kollox, u minkejja “kemm din tista’ titfgħu lura fil-politika.”

Aħbarijiet Oħra
Barranin

L-Unjoni Ewropea ddikjarat lill-Panama, is-Seychelles, Cayman Islands u Palau bħala tax havens u poġġiethom fil-lista s-sewda. Il-Viċi President tal-Kummissjoni Ewropea, Valdis Dombrovskis, qal li dawn il-ġurisdizzjonijiet qed itappnu r-reputazzjoni tagħhom…

Kurżitajiet

Żewġ persuni li kienu qed jaqsmu l-fliegu bejn Malta u Gġħawdex bil-jetskis tpaxxew mhux biss bil-veduta iżda wkoll b’qatgħa dniefel. Dan il-ħut bħal donnu kien qed itellaq biex jasal qabel…

Barranin

Fir-Renju Unit, mara ta’ 55 sena tilfet ħajjitha wara li nġarret mill-kurrent tal-ilma kawża tax-xita qawwija minħabba l-maltempata Dennis. Ix-xita qawwija wasslet biex mijiet ta’ djar għerqu bl-għargħar. Minħabba x-xita…

Saħħa

Hawn min jilħaqlu ftit aktar minn ta’ ħaddieħor, oħrajn joqogħdu jistennew il-bajtra taqa’ f’ħalqhom u jaf jissaddilhom jekk ma jħaddmuhx biżżejjed. Moħħ kulħadd, madanakollu, jiżen bejn wieħed u ieħor l-istess,…

Aktar