Barranin
ARA: X’jiġri meta kelb tal-but jagħmel l-arja ma’ ljuni tal-baħar?

Kuraġġuż jew miġnun? Filmat li qed idur fuq il-midja soċjali juri l-bravura, jew ġennata, ta’ kelb tal-but.

Il-kelb kien qiegħed fuq dgħajsa li bdiet toqrob lejn l-art. Fuq il-blat kien hemm madwar seba’ ljuni tal-baħar, jilgħaqu x-xemx għall-affari tagħhom.

Wara li ħoloq frattarija bl-inbieħ, il-kelb ta s-salt għal fuq il-blat, fejn daħal jagħmel l-arja qalb dawn l-annimali ferm ikbar minnu.

Għalkemm jingħad li kelb li jinbaħ ma jigdimx, l-iljuni tal-baħar xorta waħda jidher li tnaffru, u minflok ma għamlu għalih, pront ħarbu għal ġol-baħar.