Lokali
ARA: x’qalu l-aktar nies involuti fl-insib dwar id-deċiżjoni tal-Qorti Ewropea

Id-deċiżjoni tal-Qorti Ewropea dwar l-insib għall-għasafar tal-Għana ġabet diversi reazzjonijiet. TVM ħa l-kummenti tas-Segretarju Parlamentari Clint Camilleri, tal-BirdLife u tal-FKNK.

Is-Segretarju Parlamentari Clint Camilleri qal li b’din id-deċiżjoni hawn mal-4,000 nassab iddispjaċċuti ferm. Spjega li l-Gvern qed jistudja s-sentenza tal-Qorti Ewropea biex imbagħad jieħu d-deċiżjonijiet.

Min-naħa tiegħu l-President tal-FKNK, Joe Perici Calascione qal li skanta bid-deċiżjoni tal-Qorti Ewropea. Saħaq li ħadd ma ta kas l-aspett uman, li l-insib huwa parti minn ħajjithom. Żied jgħid li se jitkellmu mal-Gvern biex jindirizzaw in-nuqqasijiet li allegatament hemm fis-sentenza tal-Qorti.

Il-Kap Eżekuttiv tal-BirdLife, Mark Sultana qal li qed jistennew lill-Gvern li josserva l-verdett tal-Qorti Ewropea u li titneħħa l-liġi li tippermetti l-istaġun tal-insib tal-għasafar tal-Għana. Żied jgħid li huwa messaġġ indirett fuq id-deroga tal-insib tal-Malviż u l-Pluviera u qal li qed jitolbu lill-Gvern biex jikkonsidra l-pożizzjoni tiegħu fuq din id-deroga.

Ara wkoll:

Malta titlef il-kawża fil-Qorti Ewropea dwar l-insib tal-għasafar tal-Għana – il-Gvern qed jevalwa d-deċiżjoni bir-reqqa

X’qalu l-partiti politiċi fuq id-deċiżjoni tal-Qorti Ewropea dwar l-insib tal-għasafar tal-għana?

Aħbarijiet Oħra
Lokali

Hands On, kumpanija Maltija li tispeċjalizza f’teknoloġiji ta’ tracking għall-vetturi, ser titrasforma l-fabbrika tagħha fil-Mosta TechnoPark biex tirriċerka dwar trasport alternattiv, inkluż vetturi li jinstaqu waħidhom. Il-Kap Eżekuttiv ta’ Hands…

Lokali

45 familja li jgħixu fil-housing estates f’Ta’ Pennellu l-Mellieħa se jgawdu minn xogħlijiet ta’ rinovar u ta’ tisbiħ li jammontaw għal €400,000. Waqt konferenza tal-aħbarijiet li fiha żar ix-xogħol li għaddej,…

Partit Nazzjonalista

Il-Partit Nazzjonalista permess tal-kandidati għall-elezzjonijiet Ewropej Franciz Zammit Dimech u Roselyn Borg Knight qalu li l-Partit Nazzjonalista qed iwiegħed investiment fir-riċerka għal mediċini innovattivi li jsaħħu l-ġlieda kontra l-kanċer. Huma…

Qorti

L-Imħallef irtirat, Michael Mallia, li qed jeżamina l-aħħar messaġġi li kienet irċeviet Daphne Caruana Galizia, se jkun jista’ jeżamina wkoll il-laptop ta’ Caruana Galizia għal theddid li setgħet irċeviet. Dan…

Aktar