Stejjer Umani
Ara: Żewġt iklieb gwida jferrħu familja nieqsa mid-dawl

Il-klieb gwida Albert u Holly irnexxielhom ibiddlu l-ħajja ta’ koppja li kemm il-mara kif ukoll ir-ragel huma nieqsa mid-dawl. Martin u Joanna Sultana qalu li ħajjithom u taż-żewġ uliedhom għamlet qabża kbira għall-aħjar bil-klieb Albert u Holly.

Ftit tal-ġimgħat ilu, il-familja Sultana li kemm il-ġenituri kif ukoll it-tfal huma nieqsa mid-dawl, kibret għal sitta, bil-kelb gwida Albert jingħaqad mal-familja flimkien ma’ kelba oħra bl-isem ta’ Holly. Iż-żewġt iklieb gwida Albert u Holly, ġew imħarrġa mill-fondazzjoni għall-klieb gwida biex ġew adattati għall-hajja tal-familja Sultana.

Bis-saħħa tal-kelba Holly, Martin seta jmur għax-xogħol, u jgħin fit-trobbija taż-żewġ uliedu.

“Qabel fejn noqgħod infittex it-tarf tal-bankina, għall-arbli u għall-ghadajjar, bis-saħħa ta’ Holly tevitahomli l-għadajjar.”

Fil-programm UMANI fuq TVM, il-mara ta’ Martin, Joanna, li qabel kienet tiddependi biss mill-bastun abjad biex tmur għax-xoghol u tagħmel il-qadjiet tal-familja, stqarret li l-kelb gwida Albert għamel differenza kbira f’ħajjitha u bih tħossha rasha mistrieħa meta tkun miexja fit-triq.

“Albert jekk kien hemm xi ħaħa fin-nofs, idawwrek magħha, mingħajru ma ngħixx, dak il-baby tiegħi, huwa kollox għalija” stqarret Joanna.

Il-koppja Sultana qalu li Albert u Holly li huma tar-razza Labrador, saru parti mill-familja.

“Għandna żewġt itfal żgħar, żewġ karattri differenti, vera ħelwin, imlew ħajjitna, Holly tagħmilli ħajti komda ħafna.”

Minkejja li għandhom familja lkoll nieqsa mid-dawl, Martin u Joanna Sultana ma jħossux li għandhom xi ħaġa nieqsa u jħossu li għandhom kollox għax magħqudin bl-imħabba.

Aħbarijiet Oħra
Turiżmu

Fl-ewwel tliet xhur ta’ din is-sena ġew Malta ftit aktar minn 78,000 turist abbord il-vapuri tal-passiġġieri. Skont ċifri tal-Uffiċċju Nazzjonali tal-Istatistika kien hemm żieda ta’ aktar minn 810,000 passiġġier meta…

Xogħol

Ċifri tal-Eurostat juru li Malta hija fost 13-il pajjiż tal-Unjoni Ewropea li sal-2018 kienet diġà qabżet il-miri tal-impjiegi li kellhom jintlaħqu sal-2020. Il-Eurostat qal li s-sena l-oħra, Malta b’żieda ta’…

Partit Laburista

Il-Partit Laburista permezz tad-deputati Edward Zammit Lewis, Alex Muscat u l-kandidata għall-elezzjoni tal-Parlament Ewropew Fleur Vella, qal li l-Oppożizzjoni mhix kredibbli meta titkellem dwar il-finanzi tal-pajjiż. Dr Zammit Lewis qal…

Mużika

Freddie Portelli se jkun qiegħed iniedi kanzunetta ġdida bl-isem ta’ ‘Il-Kbir Għadu Ġej’, li se twitti t-triq għal musical li se jġib l-istess isem tal-kanzunetta. Il-mużika kitibha Dominic Galea filwaqt…

Aktar