Kronaka
Argument bejn barranin wassal għall-arrest ta’ 3 persuni fuq sejba ta’ droga

F’ħidma mill-Pulizija tal-Għassa ta’ San Ġiljan wasslet għall-arrest ta’ tliet persuni.

4 ijiem ilu, il-Pulizija tal-Għassa ta’ San Ġiljan kellhom rapport minn raġel Albaniż ta’ 32 sena, li kien sofra ġrieħi gravi wara li kellu argument ma’ xi persuni.

Skont il-Pulizija, minn investigazzjonijiet li saru jirriżulta li lbieraħ ġew arrestati żewġt irġiel mis-Serbja, li għandhom 39 sena u 31 sena rispettivament.

Il-Pulizija għamlu tfittxija fuq dawn il-persuni, fejn fuqhom instabet droga suspettata ħaxixa tal-kannabis u kokaina, kif ukoll ponn tal-ħadid.

Illum, il-Pulizija tal-Għassa ta’ San Ġiljan għamlu tfittxija fir-residenza ta’ dawn il-persuni fl- Imsida, u hemmhekk sabu ammont ta’ droga suspettata droga ħaxixa tal-kannabis u raża tal-kannabis.

Iżjed tard, il-Pulizija arrestat raġel ta’ 42 sena mill-Maċedonja li kien sejjer f’din ir-residenza u minn tfittxija li saret fuqu, il-Pulizija sabu iżjed droga suspettata ħaxixa tal-kannabis, raża tal-kannabis, kokaina u MDMA.

Il-Maġistrat tal-Għassa Audrey Demicoli ġiet infurmata bis-sejba u ordnat inkjesta fejn ħatret diversi esperti sabiex jassistuha.

L-investigazzjonijiet tal-Pulizija dwar il-każ għadhom għaddejjin u dawn il-persuni għandhom jitressqu l-Qorti fil-jiem li ġejjin.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar