Mużika
Arpista Maltija b’suċċessi fl-Irlanda – tirbaħ il-fidda fil-Kampjonat Dinji

Michelle Paris hija mużiċista u kompożitiriċi li l-passjoni kbira li għandha għall-mużika tradizzjonali Irlandiża ddistingwietha bir-rebħ ta’ midalji prestiġjużi lil hinn minn xtutna.

Il-mużika tradizzjonali Irlandiża għandha għeruq li jmorru lura eluf ta’ snin. Għandha ritmu uniku magħmul minn noti melodjużi li tikkomunika l-istorja dinamika ta’ dan il-poplu.

Michelle Paris hija mużiċista żagħżugħa kunsidrata bħala eċċezzjoni u rarità fiż-żminijiet kontemporanji billi tispeċjalizza f’din it-tip ta’ mużika permezz tad-daqq tal-arpa Irlandiża.

“Dan m’hemmx kotba biex titgħallem kif iddoqq din il-mużika – titgħallimha bit-tradizzjoni orali u titlaqa’ ma’ professjonisti li jgħaddulek is-sengħa tagħhom” qalet Michelle.

Michelle ilha ddoqq l-arpa għal dawn l-aħħar sittax-il sena u speċjalizzat fl-arpa Irlandiża wara li għaxar snin ilu ħalliet pajjiżna biex tkompli tispeċjalizza f’dan l-istrument fir-Renju Unit.

Fl-aħħar ġimgħat kompliet tiddistingwi ruħha meta f’festival f’Drogheda, fl-Irlanda, li attendew għalih man-nofs miljun ruħ mill-erbat’irjieħ tad-dinja, rebħet unur biex kompliet iżżid mas-suċċessi miksuba aktar kmieni din is-sena.

Michelle qalet li “din is-sena kienet speċjali immens għax irbaħt midalja tal-fidda fil-World Championships li saru fl-Irlanda. L-atmosfera li ddoqq fit-triq ma’ nies li qatt ma ltqajt magħhom u li jilqgħu l-barranin. Huma veru japprezzaw li tkun barrani u tħobb din it-tip ta’ kultura u jilqgħuk b’idejn miftuħa and that’s the best celebration of diversity that I’ve ever seen.”

Fl-aħħar kompetizzjoni li kellha fl-Irlanda, il-mużiċista addattat u daqqet mużika Maltija bl-arpa Irlandiża.

Għal din l-edizzjoni, magħrufa bħala l-Fleadh Cheoil, Michelle sabet apoġġ finanzjarju mill-Fond għad-Diplomazija Kulturali tal-Ministeru għall-Affarjiet Barranin u Promozzjoni tal-Kummerċ. Il-mużiċista qalet li issa taspira li taħdem m’artisti lokali biex jgħaqqdu l-mużika tagħhom mal-arpa Irlandiża.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar