Kronaka
Arrestat fuq allegat serqa minn villa f’San Pawl il-Baħar

Raġel ta’ 39 sena minn San Pawl il-Baħar, il-lejl illi għadda ġie arrestat mumenti biss wara li allegament seraq ammont żgħir ta’ ġojjellerija minn villa f’San Pawl il-Baħar.

Kienu ftit qabel nofs il-lejl x’ħin il-Pulizija fl-Għassa tal-Qawra ġew infurmati li fi Triq Andrew Cunnigham hemm raġel suspettuż liebes ilbies skur. Immedjatament marru l-Pulizija li malli waslu qabdu lir-raġel ħiereġ mir-residenza, li bħalissa mhix abitabbli, b’xi kaxxi f’idu.

Huwa ġie arrestat u qiegħed jinżamm għal aktar stħarriġ. Huwa mistenni jitressaq il-Qorti għada filgħodu filwaqt li qed jiġi akkużat ukoll b’serqa oħra mill-istess żona.

L-investigazzjonijiet qed isiru mill-Pulizija tad-Distrett tal-Qawra.

Aħbarijiet Oħra
Lokali

Il-ġurnalist veteran Reno Bugeja rrapporta għax-xogħol għall-aħħar darba mal-istazzjon nazzjonali wara karriera ta’ 44 sena. Is-Sur Bugeja se jirtira bl-età f’nofs dan ix-xahar wara li għall-aħħar seba’ snin mexxa l-Kamra tal-Aħbarijiet…

Lokali

Issokta r-restawr tal-fortifikazzjonijiet li jinkludu l-Ospizio fil-Furjana biex sas-sajf ta’ sentejn oħra jinfetaħ għall-pubbliku dak li qed jissejjaħ bħala l-ewwel mużew tal-arti kontemporanja f’Malta bl-isem ta’ MICAS. Il-proġett jinkludi fost…

Avjazzjoni

L-Air Malta kitbet paġna oħra fl-istorja tagħha meta ajruplan tal-linja nazzjonali tar għall-ewwel darba lejn l-Indja biex ħa lura f’Kerala 110 ċittadin Indjan f’titjira ta’ ripatrijazzjoni mħallsa mill-gvern. Tkellimna ma’…

Lokali

Il-Programm taċ-Ċittadinanza b’Investiment se jingħalaq u l-aġenti ġew infurmati biex ma jaċċettawx iżjed applikazzjonijiet. Minflok ser isiru regolamenti ġodda dwar ir-residenza b’żewġ saffi. Saff minhom jagħti dritt lil persuni li…

Aktar