Kronaka
Arrestat ir-raġel li kien imfittex mill-Pulizija

Il-Pulizija arrestat lil David Liniker Micallef li għandu 31 sena.

Huwa ġie arrestat fi Triq in-Naxxar, Birkirkara waqt li kien dieħel fid-dar t’ommu għall-ħabta tas-2.15pm.

TVM infurmat li David Liniker Micallef ma kienx deher il-Qorti għal sentenza ta’ appell fuq każ ta’ serq, liema appell inqata kontrih u weħel sentejn ħabs.

Għaldaqstant peress li ma deherx il-Qorti bdiet tfittxija għalih mill-Pulizija u aktar tard intalbet l-għajnuna tal-pubbliku.

Minnufih ir-raġel wara li ġie arrestat ittieħed il-ħabs.

Micallef, li fil-passat tressaq il-qorti u nstab ħati ta’ diversi reati, fosthom fuq droga u serq minn pompi tal-petrol, qed jingħad li jiffrekwenta l-inħawi ta’ Birkirkara.

Aħbarijiet Oħra

Id-Dipartiment tal-Protezzjoni Ċivili għandu vettura ġdida biex tagħmilha iktar possibbli biex jiġu salvati nies jekk jinqala’ xi inċident f’bini għoli. Il-vettura nxtrat mill-Awtorità tal-Ippjanar hekk kif fl-aħħar snin żdiedu l-binjiet…

Mart il-President ta’ Malta, is-sinjura Miriam Vella qalet li tifhem eżatt il-bżonn ta’ iktar għarfien fuq il-kanċer tas-sider għax tilfet lill-ommha b’dan il-kanċer. Is-sinjura Vella din is-sena hija l-Patruna tal-kampanja…

Il-Kummissjoni Elettorali tal-Partit Nazzjonalista fi stqarrija qalet li llum għamlet il-verifiki kollha u ġie konkluż li n-numru ta’ tesserati eleġibbli biex jivvutaw fl-elezzjoni għall-ħatra ta’ Kap tal-Partit Nazzjonalista huwa 21,499….

Uffiċjali mill-Awtorità tas-Saħħa u s-Sigurtà fuq il-post tax-xogħol, l-OHSA qegħdin jiċċertifikaw li kull skola f’Malta u Għawdex hija konformi mar-regolamenti li tfasslu mill-awtoritajiet tas-saħħa. F’kummenti ma’ Television Malta, is-Segretarju Permanenti…

Aktar