Kronaka
Arrestat raġel suspettat b’sitt serqiet minn ħwienet

Il-Pulizija arrestat raġel ta’ 39 sena mill-Marsa suspettat li wettaq sensiela ta’ serqiet minn ħwienet fl-aħħar ġimagħtejn.

L-arrest sar mill-Iskwadra ta’ Kontra r-Reati Vjolenti fi ħdan id-Dipartiment tal-Investigazzjonijiet Kriminali fil-lejl ta’ bejn is-Sibt u l-Ħadd li għadda.

Ir-raġel se jkun qed jitressaq il-Qorti iktar tard illum quddiem il-Maġistrat tal-Għassa Caroline Farrugia Frendo.

Huwa se jkun akkużat b’aktar minn 20 akkuża, fosthom li wettaq sitt hold-ups bejn is-7 u s-16 ta’ Jannar, 2020. Tnejn mill-hold-ups saru f’Ħal Qormi, tnejn f’Tas-Sliema, wieħed fil-Gżira u ieħor fl-Iklin.