Lokali
Arrestata l-mara li allegatament talbet biex issir it-telefonata b’theddida ta’ bomba

Arrestata l-mara li kienet imfittxija b’rabta mat-theddida falza ta’ bomba fuq vapur tal-Gozo Channel.

Jumejn ilu, meta tressaq il-Qorti Ronald Mallia, TVM żvela li l-Pulizija għadha qed tfittex mara Għawdxija, li allegatament talbet lill-akkużat sabiex jagħmel it-telefonata li hemm bomba għax ma riditx tiġi Malta biex tidher f’kawża fil-Qorti.

Il-mara li hija minn Tas-Sliema iżda toqgħod Għawdex kienet arrestata fis-sigħat li għaddew u mistennija titressaq il-Qorti f’xi ħin illum.

Nhar it-Tnejn, Ronald Mallia ta’ 30 sena mill-Mosta, ammetta li ċempel b’mod anonimu lill-pulizija u qal li hemm bomba  fuq wieħed mill-vapuri tal-Gozo Channel. Huwa għamel din it-telefonata annomina  mit-telephone box li hemm fil-kantuniera ta’ bejn Triq ir-Repubblika u Triq San Ġwann, fil-Belt Valletta u  anke deher fuq cameras tas-sigurtà li hemm fl-inhawi.

Il-Qorti, preseduta mill-Maġistrat Aaron Bugeja  ser jaghti s-sentenza fl-aħħar tax-xahar u sadanittant ta l-ħelsien mill-arrest lil Ronald Mallia b’garanzija personali ta’ €20,000.

Ara wkoll:

Jibda jopera s-servizz tal-Gozo Channel wara li kien hemm theddida ta’ bomba

Il-Pulizija tfittex Għawdxija li allegatament talbet lill-akkużat jagħmel theddida finta ta’ bomba

ARA r-reazzjoni tan-nies li nqabdu ċ-Ċirkewwa minħabba t-theddida ta’ bomba

Aħbarijiet Oħra
Ambjent

Ġie ffirmat ftehim bejn il-Gvern u l-Birdlife Malta dwar l-amministrazzjoni tas-Salini tal-Melħ fis-Salina. Bi ftehim mal-Gvern, il-Birdlife ser tmexxi dan is-sit li huwa l-ikbar riżerva naturali f’Malta. Is-Salini tal-Melħ fis-Salina,…

Agrikultura

Il-ġbejniet tradizzjonali Maltin mistennija jkunu aktar abbundanti b’tibdil fil-liġi li ser tippermetti raħħala żgħar kważi jirduppjaw il-produzzjoni tagħhom. Madankollu dal-pass xejn mhu jogħġob lir-raħħala u produtturi l-kbar li kienu obbligati…

NGOs

Qabel kiseb suċċess fil-karriera mużikali bħala tenur, Cliff Zammit Stevens għadda minn esperjenzi qarsa, b’ommu ssofri quddiemu vjolenza fiżika kontinwa fir-relazzjonijiet tagħha. Disa’ xhur wara mewtha, Cliff irrakkonta l-ġrajjiet koroh…

Kronaka

Raġel ta’ 41 sena weġġa’ gravi wara li ħabat bil-mutur fil-Fgura. L-inċident seħħ għall-ħabta tas-2.00 ta’ waranofsinhar fi Triq San Tumas. Il-Pulizija qalet li mill-ewwel tagħrif jirriżulta li seħħet ħabta…

Aktar