Kultura
Arti bl-inċiżjonijiet – esebizzjoni fil-Palazzo La Salle

“Grafika, Of Form and Image” hija l-esebizzjoni spettakolari fil-Palazzo La Salle, li tikkomunika l-qofol ta’ proċessi kreattivi mnebbħa fuq l-arti, li hija maħduma bit-teknika tal-inċiżjonijiet.

Il-fundatur tal-esebizzjoni Imprint IV, Jesmond Vassallo, qal l-immaġini jikkomunikaw is-somma ta’ azzjonijiet u reazzjonijiet, antiċipati u m’humiex, ta’ immaġini msejsa fuq il-kuntrast perpetwu bejn il-preċizjoni tat-teknika li jitlob dan il-ġeneru, u l-interpretazzjoni artistika.

“Qed nużaw l-istess lingwaġġ, imma kull artist huwa liberu li jitkellem fuq liema suġġett li jrid. Kien hemm varjazzjoni kbira f’kull xogħol u kull artist għandu l-poetika, jiġifieri għandu diskors li jrid jitkellem fuqu.”

L-Imprint IV, qed turi wkoll ix-xogħlijiet eċċezzjonali tal-artist rinomat internazzjonalment, Horst Janssen li jirrakkonta l-istejjer intimi bl-arti. Magħhom għadd imdaqqas ta’ artisti Maltin u barranin, b’kollezzjoni ta’ sebgħin xogħol artistiku intaglio, fosthom b’kollezzjoni ta’ xogħlijiet artistiċi tal-artist Frank Portelli.

“Frank Portelli kien ukoll artist li rrevoluzzjona l-arti f’Malta, ġab bidla kbira u qed nagħmlu ommaġġ, qed ngħidulhom grazzi b’din il-wirja.”

Il-wirja tal-arti kkurata minn Dr. Christian Attard, qed issir fil-Palazzo La Salle l-Belt.

Aħbarijiet Oħra
Lokali

Iż-żmien itir u ma jistenna ‘l ħadd. Ġimgħ’ilu, qisu lbieraħ, ittella’ l-ewwel Live Show ta’ ‘X Factor Malta’. U, illejla, ‘X Factor Malta’ jissokta bit-tieni Live Show minn ħamsa. Is-serata se…

Knisja Maltija

L-Arċisqof Charles J. Scicluna qal li San Ġużepp hu eżempju tajjeb ħafna ta’ difensur tal-ħajja, anke fil-ġuf, u appella biex l-insara jħarsu lejn il-missjoni tagħhom fid-dinja bl-istess sens ta’ dover,…

Politika

Il-Kap tal-Partit Nazzjonalista Adrian Delia qal li issa l-waqt li l-Prim Ministru juri kemm hu kapaċi jieħu d-deċiżjonijet għal governanza tajba. Staqsa x’se jagħmel bil-Ministru Justyne Caruana wara li ġie…

Politika

Ġimgħa wara l-ħatra tiegħu bħala Mexxej tal-Partit Laburista, il-Prim Ministru Robert Abela tkellem dwar il-ħidma li inbdiet favur governanza tajba u rrefera għal-kumitat li twaqqaf fil-kabinett li se jkun qed…

Aktar