Kultura
Artist ta’ fama mondjali bl-ewwel proġett fil-mużew ġdid tal-arti kontemporanja

Il-proġett ta’ Spazju Internazzjonali għall-Arti Kontemporanja tnieda b’esebizzjoni ta’ l-artist rinomat Ugo Rondinone li ħoloq sensiela ta’ stallazzjonijiet artistiċi li kritiċi tal-arti qalu juru l-ifjen kunċetti tal-arti kontemporanja.

Imwieled l-Isvizzera u residenti New York, Rondinone qal li l-proġett artistiku tiegħu hu iddedikat lit-tfal ta’ Malta. Spjega li l-iskultura ewlenija tal-ġebel, The Radiant, hija tiswira ta’ kunċetti u ideat li tfasslu fuq l-perċezzjoni personali tiegħu tal-identità kontemporanja Maltija.

L-artist qal lil TVM, “The Radiant, for Malta, is dedicated to the children of Malta because the museum is a new adventure and it will be the children who will sustain this new adventure of a museum.”

Rondinone stieden lill-viżitaturi biex iħarsu lejn l-istallazzjonijiet tiegħu minn lenti li tixpruna t-tama, bħall-istallazzjoni tal-qniepen żgħar li jirrappreżentaw il-messaġġi li ngħataw mill-istudenti f’kull waħda mill-172 skola f’Malta u f’Għawdex.

Rondinone qal, “I wanted to give them a human touch representing itself as a person…. so that is a human figure.”

L-esebizzjoni ta’ Rondinone twitti t-triq għall-programm ta’ attivitajiet li jinkludu sensiela ta’ taħdidiet dwar l-arti kontemporanja ma’ esperti lokali u internazzjonali, kif ukoll esebizzjoni awdjoviżiva dwar l-istorja tal-Ospizio u r-Ritirata fil-Floriana li se jilqgħu l-ispazju għall-arti kontemporanja.

L-Ambaxxatur Kulturali Francis Sultana qal li l-Ispazju Internazzjonali Malti għall-Arti Kontemporanja, MICAS, se jkun mifrux fuq 1,300 metru kwadru bil-proġett jinkludi r-restawr tal-fortifikazzjonijiet u l-bini ta’ gallariji ta’ l-arti għall-esebizzjonijiet ta’ artisti lokali u barranin.

Francis Sultana qal, “By launching the museum today, so it’s not because we are opening our doors but we are launching a national project, that will open again in 2021 we are showing everyone how committed we are to this project, how engaged we are going to be not just locally but globally, international curators and artists.”

Il-proġett MICAS se jitwettaq b’fondi tal-Unjoni Ewropea u mistenni jkun lest tliet snin oħra.  L-inawgurazzjoni ta’ dan l-ewwel proġett saret illejla mill-Prim Ministru Joseph Muscat.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar