Barranin
Artista tikseb il-provi li r-Re Albert II tal-Belġju huwa missierha

L-artista Delphine Boël irnexxielha tikseb il-provi li r-Re Albert II tal-Belġju huwa missierha.

Delphine Boël, ta’ 51 sena, għaddiet minn battalja legali twila, wara li r-Re Albert II, li għandu 85 sena, baqa’ jirrifjuta li jagħmel it-test tad-DNA.

Wara li abdika mill-kariga rjali minħabba raġunijiet ta’ saħħa, ir-Re Albert II tilef l-immunità mill-prosekuzzjoni, u s-sena l-oħra l-Qorti tal-Appell ikkundannatu multa ta’ €5,000 għal kull jum li jirrifjuta li jagħmel it-test.

L-avukati tar-Re Albert II qalu li huwa qed jaċċetta lil Boël bħala r-raba’ wild tiegħu.

L-ewwel darba li saret allegazzjoni li r-Re kellu wild illeġitimu kien f’bijografija ppubblikata fl-1999, b’ Boël li żvelat li kienet hi l-bint illeġittima f’intervista fl-2005.