Lokali
Artisti li jridu jibdew ipinġu tattoo jridu jagħmlu kors

Il-liċenzjar ta’ artisti li jagħmlu t-tattoo se jibda ikun suġġett għall-kors ta’ taħriġ biex ikun żgurat li tkun imħarsa s-saħħa kemm tal-artisti kif ukoll tal-klijenti u tal-pubbliku. Il-Ministeru tas-Saħħa ħabbar l-ideat tiegħu għal din ir-riforma waqt li qal li se jkun hemm perjodu ta’ xahar ta’ konsultazzjoni pubblika dwar it-tifsila tal-kors tal-artisti tat-tattoo.

Is-Supretendent tas-Saħħa Pubblika, Charmaine Gauci, spjegat li minħabba l-użu tal-labar, it-tattooing iġorr ċerti riskji bħal tixrid ta’ mard fosthom l-epatite A u B u l-virus tal-HIV.

Dr Gauci qalet li għalhekk l-kors tat-tattooing irid isir min-nies kompetenti u jrid jinkludi tagħrif dwar il-mard li jista’ jittieħed, l-użu u r-rimi għaqli tal-labar, l-isterilizazzjoni tat-tagħmir, iż-żamma tal-indafa f’post fejn isir tattoo.

Spjegat ukoll li dawk li jagħmlu t-tatto irid ikollhom għarfien tal-linka li tintuża, il-preparazzjoni tal-ġilda qabel jibda l-proċess tat-tattoo u ż-żamma ta’ rekords tal-klijent.

Is-Supretendent tas-Saħħa Pubblika Charmaine Gauci qalet li “meta persuna tkun trid tapplika biex taħdem bħala tattoo artist, irid ikollha l-kors li biex tkopri dak li għandha bżonn bħala informazzjoni. Persuna li tkun trid toffri dawn il-korsijiet, importanti li hu stess ikun tattooist għal aktar minn ħames snin, u jkun irid ukoll jipprovdi ċertu kompetenzi fil-kors permezz ta’ health care provider.”

Dr Gauci qal li mis-sena d-dieħla biex tingħata liċenzja lil persuna biex topera ta’ artist tat-tatto, trid issegwi kors apposta.

Id-Deputat Prim Ministru u Ministru tas-Saħħa Chris Fearne qal li l-kors ikopri 45 siegħa ta’ tagħlim u taħriġ li irid ikun approvat mis-Supretendent tas-Saħħa Pubblika. Ir-rekwiżiti għall-kors tat-tattooing ġew ippubblikati u huma miftuħa għall-konsultazzjoni pubblika sa bħal-lum xahar.

Aħbarijiet Oħra
Qorti

Il-partitarji Carmelo Callus u Jason Callus tressqu l-Qorti akkużati li waqt logħba fl-istadium nazzjonali kissru l-paċi pubblika, ġabu ruħhom abbużivament u kienu vjolenti fil-konfront ta’ żewġ uffiċjali tal-Pulizija, b’wieħed minnhom…

Parlament

L-għafsa ta’ qalb tan-nanniet li huma mċaħda min-neputijiet minħabba sitwazzjonijiet familjari reġgħet tqajmet fil-Parlament waqt sessjoni speċjali li kienet iddedikata lin-nanniet. Tressqet ukoll petizzjoni biex isiru emendi fil-liġijiet li jissalvagwardjaw…

Infrastruttura

Il-proġett sar b’inizjattiva tal-Kunsill Lokali tal-belt Victoria li għalih kiseb ukoll fondi mill-Unjoni Ewropea. Il-post ilu jservi ta’ spazju rikreattiv għat-tfal għal kważi ħamsin sena. Is-Sindku, Samuel Azzopardi, qal li…

Qorti

Raġel li kien qed isuq mutur bla liċenzja meta ntlaqat minn karozza, xorta waħda kien ikkumpensat għad-diżabbiltà li sofra kawża tal-inċident. Massimo Bonello ta’ 45 sena fetaħ kawża quddiem il-Qorti…

Aktar