Sport
Atleti minn Special Olympics Malta se jingħataw taħriġ minn ex Champion Olimpika Amerikana tal-għawm

Matul it-tliet ijiem li ġejjin, l-atleti u l-uffiċjali ta’ Special Olympics Malta se jingħataw taħriġ minn ex Champion Olimpika Amerikana tal-għawm, Donna de Varona u tliet mibgħuta speċjali tal-isport mill-Istati Uniti.

L-erba’ atleti Amerikani jinsabu Malta bl-inizjattiva tal-Ambaxxata Amerikana bhala parti mill-programm tal-mibgħuta tal-isport tad-Dipartiment tal-Istat Amerikan.

Waqt it-tnedija tal-programm ta’ kollaborazzjoni ma’ Special Olympics Malta, iċ-Charge d’Affaires tal-Ambaxxata Amerikana, Mark Shapiro qal li l-programm se jiffoka fuq il-valur tal-inklussività u kif individwi b’diżabbilitajiet qed ikunu attivi u jiġu flimkien permezz tal-isport.

Is-Sinjura Michelle Muscat, President ta’ Special Olympics Malta qalet li tinsab grata ħafna lejn l-Ambaxxata u l-mibgħuta tal-isport Amerikani li bejn illum u nhar il-Ġimgħa se jorganizzaw lezzjonijiet tal-għawm u jagħmlu preżentazzjonijiet edukattivi lill-uffiċjali mill-Ministeru għall-Edukazzjoni, l-għalliema tal-edukazzjoni fiżika, l-istudenti li qed jistudjaw biex isiru għalliema u lill-atleti u l-coaches ta’ Special Olympics Malta.

Is-Sinjura Muscat qalet li minkejja ċ-ċokon u l-limitazzjonijiet ta’ Malta, fl-aħħar Olimpjadi Speċjali f’Abu Dhabi kmieni din is-sena, l-atleti Maltin gabu 40 midalja u issa qeed ihejju għal-logħob Ewropew u Dinji.

Aħbarijiet Oħra
Kultura

Il-Covid-19 ħarbtet ukoll il-pjani tal-artisti li jaqilgħu l-ħobża ta’ kuljum mit-talenti tagħhom b’wirjiet u kunċerti kanċellati. Il-baritonu Joseph Lia u martu, ir-Russa Natalia Rakjmatulina, ħassru diversi kunċerti fosthom fir-Russja bħala…

Infrastruttura

Bdiet tieħu l-forma triq ġdida, li skont il-pjani ta’ Infrastructure Malta, sa erba’ xhur oħra se tkun tista’ tibda tintuża mill-eluf ta’ vetturi li mill-Imrieħel jitilgħu ‘l fuq, lejn ir-Rabat…

Safar

Wara li tard ilbieraħ il-Ministru għat-Turiżmu Julia Farrugia Portelli ħabbret li l-Maltin se jkunu jistgħu jżuru 19-il pajjiż meta l-ajruport jerġa’ jibda jopera titjiriet normali mill-1 ta’ Lulju, illum il-Prim…

Aktar