Saħħa
Attent jekk se ssiefer f’dal-pajjiżi – tlaqqam

L-Awtoritajiet tas-Saħħa qed javżaw lil dawk li se jsiefru f’pajjiżi li hemm il-Yellow Fever jieħdu t-tilqima sa għaxart’ijiem qabel ma jmorru.

Fi stqarrija, l-Awtorità qalet li doża waħda għandha tkun biżżejjed.

It-tilqima għall-Yellow Fever jista’ jeħodha kull min għandu aktar minn disa’ xhur. Wieħed għandu jieħu l-prekawzzjonijiet meħtieġa biex ma jingidimx minn xi nemusa, fosthom billi jilbes qalziet u flokk komma twila u juża n-nets meta jkun rieqed. Kmamar bl-air condition jnaqqsu r-riskju tan-nemus.

Il-Yellow Fever jista’ jiġi trasmezz b’gidma ta’ nemusa infettata u mhux minn persuna għal oħra. Fost is-sintomi hemm uġigħ ta’ ras, uġigħ f’ġismek, għejja u wieħed ikollu bżonn jirrimetti.

Din it-twissija hija l-aktar importanti għal dawk li sejrin il-Kongo. Flimkien mal-Kongo hemm dawn il-pajjiżi:

Afrika:

Angola, Benin, Burkina Faso, Burundi, Cameroon, Central African Republic, Chad, Congo, Cote d’Ivoire (Ivory Coast), Equatorial Guinea, Ethiopia, Gabon, Gambia, Ghana, Guinea, Guinea-Bissau, Kenya, Liberia, Mali, Mauritania, Niger, Niġerja, Senegal, Sierra Leone,  Sudan, Sudan t’Isfel, Togo, Uganda.

Amerka:

Argentina – Misiones Province, Bolivia, Brazil, Colombia, Ecuador (esklużi Galapagos Islands), French Guiana, Guyana, Panama, Paragwaj, Perù, Suriname, Trinidad, Veneżwela.

Dawk li se jsiefru f’dal-pajjiżi huma mħeġġa biex jagħmlu kuntatt maċ-Ċentru tas-Saħħa fil-Furjana fuq 25680222-3/21243314.

Aħbarijiet Oħra
Lokali

Instab post alternattiv biex id-detox ma jibqax fejn l-isptar San Luqa fi G’Mangia. Dan ġie konfermat mill-Kap Eżekuttiv tal-Fondazzjoni għas-Servizzi tal-Ħarsien Soċjali Alfred Grixti li madankollu ma tax dettalji tal-post…

Kronaka

Ir-raġel li lbieraħ il-Pulizija ppubblikaw ritratti tiegħu qed ikun imfittex b’rabta ma’ serqa li seħħet ix-xahar illi għadda f’Tas-Sliema. Il-Pulizija talbet l-għajnuna tal-pubbliku biex issib lil dan ir-raġel. Minn stħarriġ…

Saħħa

Kollaborazzjoni bejn kumpanija fil-qasam tal-farmakoloġija li tinsab ibbażata f’Malta u riċerkatur Taljan qed twassal għal iżjed riċerka fit-terapija għall-kanċer. Din ir-riċerka hi ibbażata fuq sustanti meħuda minn pjanti mediterranji. Il-Professur…

Aktar