Lokali
Attent tixtrix dan il-ġugarell għat-tfal

Id-Direttorat għas-Sorveljanza tas-Suq neħħa ġugarell perikolu mis-suq lokali.

Il-ġugarell ‘Disney Frozen mobile phone’, bin-numru tal-mudell 668, immanifatturat fiċ-Ċina, instab wara li d-Direttorat ġabar 17-il ġugarell għall-ittestjar dwar is-sigurtà tagħhom. Huma ġew ittestjati wkoll għal xi preżenza ta’ sustanzi perikolużi.

Dal-ġugarell instab li fih batteriji taċ-ċelloli li jistgħu jkunu aċċessibbli faċilment mit-tfal mingħajr l-użu tal-għodda. Kellu wkoll livell eċċessiv ta’ Lead u Cadmium.

Dawk il-konsumaturi li għandhom fil-pussess tagħhom il-ġugarell imsemmi għandhom jieqfu jużawh u jirritornawh minnufih fil-ħanut minn fejn inxtara. Il-konsumaturi huma avżati biex jivverifikaw li l-batteriji tal-ġugarelli maħsuba għat-tfal taħt it-3 snin, ma jkunux aċċessibbli mingħajr l-għajnuna ta’ għodda sakemm is-sigurtà tal-għatu tal-kompartiment tal-batterija ma tkunx adegwata. Kull nuqqas ta’ konformità misjub għandu jiġi rrapurtat lil din l-Awtorità.

F’każ ta’ mistoqsijiet jew għal aktar tagħrif, wieħed għandu jikkuntattja lill-MCCAA fuq 2395 2000, jew b’email fuq [email protected], jew fuq il-paġna tal-Facebook tal-MCCAA.

Aħbarijiet Oħra
Traffiku

Sewwieq iddeċieda li jitla’ bil-kontra fil-karreġġjata tal-Imsida li tagħti lejn il-Belt. Filmat li ttella’ fuq il-midja soċjali turi l-karozza tieqaf fit-tarf tas-slip way, tara l-karozzi għaddejjin lejn il-Belt, u mal-ewwel…

Lokali

Persuni li dalgħodu ppruvaw jgħaddu minn għadd ta’ toroq fil-Mellieħa sabuhom magħluqin bi krejnijiet, bil-konsegwenza li ma kellhomx fejn imorru. Min beda jidħol fi Triq Dun Franġisk Sciberras beda jsib…

Qorti

James Grima ta’ 44 sena ġie kkundannat sitt xhur ħabs wara li nstab ħati li kellu fil-pussess tiegħu żewġ armi tan-nar mingħajr liċenzja tal-Kummissarju tal-Pulizija, li għamel ħsara fuq karozza…

Qorti

Lorita Pace ta’ 35 sena mill-Belt, ġiet ikkundannata għal 3 snin u nofs ħabs wara li kisret il-kundizzjonijiet tal-probation. F’Marzu tal-2017, Pace kellha sentenza ta’ sentejn u tmien xhur ħabs…

Aktar