Kronaka
Attentat ta’ qtil f’Buġibba – il-pulizija tfittex l-aggressur

Il-Pulizija qed tfittex raġel mis-Serbja b’rabta ma’ allegat attentat ta’ qtil li seħħ ilbieraħ filgħaxija f’Buġibba. Il-vittma, li għandu 58 sena u huwa mit-Tramuntana tal-Maċedonja u għadu jinsab fil-periklu li jitlef ħajtu.

Minn tagħrif li kiseb TVM jirriżulta li għall-ħabta tad-9.00pm, il-Pulizija ġiet infurmata mill-Isptar Mater Dei li raġel barrani mar fiċ-ċentru tas-saħħa tal-Mosta mimli dmija u aktar tard ittieħed l-isptar b’ambulanza. Il-Pulizija rnexxielha tistabilixxi li r-raġel allegatament qala’ xi daqqiet ta’ sikkina f’argument li seħħ fl-akwati ta’ Triq l-10 ta’ Frar u Triq il-Korp tal-Pijunieri, f’Buġibba.

Minnufih bdiet tfittxija għall-allegat aggressur, fl-akwati ta’ Buġibba u l-Qawra, iżda ma nstabx. Saret tfittxija wkoll fil-Mosta hekk kif daħlet informazzjoni li l-aggressur deher f’din il-lokalità.

Dwar il-każ inħatret inkjesta immexxija mill-Maġistrat Gabriella Vella. L-investigazzjonijiet tal-Pulizija għadhom għaddejjin.

 

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar