Barranin
Atturi jibdew bojkott fuq liġi li tillimita l-abort fi stat Amerikan

Għadd imdaqqas ta’ atturi bdew bojkott fuq liġi ġdida kontra l-abort fl-istat tal-Georgia, fl-Istati Uniti. Il-liġi, li ġiet iffirmata mill-Gvernatur tal-istat, tagħmel l-abort illegali f’ħafna każijiet meta jkunu għaddew sitt ġimgħat mit-tqala.

Oġġezzjoni ewlenija hija li sa sitt ġimgħat ħafna nisa lanqas biss ikunu jafu li huma tqal, hekk kif is-sintomi spiss jidhru iktar tard.

F’ittra lill-Ispeaker tal-Kamra u l-Gvernatur li bagħtu f’Marzu, l-atturi kienu ddikjaraw li jekk din il-liġi tgħaddi, se jagħmlu dak kollu fil-poter tagħhom biex jimminaw l-industrija tal-films fil-Georgia u jġiegħluha tmur fi stati oħra.

Kien hemm total ta’ 50 attur li ffirmaw l-ittra. Dawn jinkludu lil Alyssa Milano, Amy Schumer, Christina Applegate, Alec Baldwin u Sean Penn.

Skont l-Uffiċju tal-Gvernatur tal-Georgia, is-sena l-oħra l-industrija tal-films u t-televiżjoni kkontribwiet $2.7 biljun għall-ekonomija tal-istat, hekk kif fih inħadmu films kbar bħal The Hunger Games u s-serje The Walking Dead, fost oħrajn.

Atturi oħrajn ukoll esprimew ruħhom kontra din il-liġi, kif għamlet ukoll l-organizzazzjoni Writers Guild of America.

Minkejja li l-liġi skedata li tidħol fis-seħħ f’Jannar li ġej, din xorta waħda mistennija ssib ostakli minn proċeduri ġudizzjarji, hekk kif liġijiet simili li għaddew fi stati oħrajn bħal Mississippi ġew imwaqqfa mill-Qrati.

Aħbarijiet Oħra
Barranin

Il-Prinċep William flimkien ma’ martu u t-tfal ivvjaġġaw b’titjira low-cost wara l-kritika qawwija li rċieva ħuħ u martu meta marru fuq btala b’ajruplani privati u lussużi. Id-Duka u d-Dukessa ta’…

Barranin

Il-biljunarju David Kosh tilef il-ġlieda kontra l-kanċer wara li miet fl-età ta’ 79 sena. Koch, li kien meqjus bħala wieħed mill-aktar persuni sinjuri fid-dinja, kien jiffinanzja l-partit Repubblikan u kien…

Kurżitajiet

Dan ir-ritratt qajjem bosta reazzjonijiet mad-dinja kollha hekk kif qabad fil-mument lill-Prim Ministru Ingliż b’saqajh fuq mejda fil-Palazz Élysée. Dan ġara lbieraħ fir-residenza uffiċjali tal-President Franċiż fejn Johnson iltaqa’ ma’…

Barranin

Il-kumpanija tal-ġugarelli Hasbro xtrat il-karattri u l-istorja ta’ Peppa Pig m’għand Entertainment One għal madwar $4 biljuni. Hasbro qalet li bis-saħħa ta’ dan l-akkwist., il-karattru ta’ Peppa Pig se jkompli…

Aktar