Avjazzjoni
Avion Express b’kumpanija sussidjarja f’Malta

L-ikbar kumpanija tal-avjazzjoni fil-Litwanja Avion Express ingħatat iċ-ċertifikazzjoni mingħand Transport Malta biex tibda topera kumpanija sussidjarja f’Malta.

Il-Ministru Ian Borg qal li fi Tweet li din hija s-36 kumpanija li hija ċċertifikata biex topera f’dan il-qasam minn Malta u b’hekk ir-reġistru tal-kumpaniji tal-avjazzjoni komplew jiżdiedu għal 322.

Fi stqarrija, Transport Malta qalet li Avion Express Malta se tibda topera b’ċertifikat Malti fil-jiem li ġejjin.  Żiedet tgħid li l-ewwel ajurplan ta’ din il-kumpanija se jkun Airbus A320 b’reġistrazzjoni 9H-AMA.

Avion Express hija l-ikbar operatur fid-dinja li tikri ajruplani narrow-body.  Twaqqfet fl-2005 u għandha dħul ta’ €80 miljun fis-sena.  Il-kwartieri tagħha jinsabu f’Vilnius, iżda bħala parti mill-espansjoni tal-operat qed tiftaħ kumpanija sussidjarja f’Malta.

Din is-sena Avion Express ħabbret li se tkun qed topera 22 ajruplan tat-tip Airbus A320, l-ikbar flotta li qatt kellha l-kumpanija kemm ilha mwaqqfa.

Aħbarijiet Oħra
Saħħa

L-imxija tal-Coronavirus kompliet tinfirex f’diversi pajjiżi fl-Ewropa, waqt li l-Italja l-iktar li għandha każi fl-Ewropa tidher li dieħla f’riċessjoni minħabba c-coronavirus. L-Awtoritajiet tas-Saħħa Maltin għal darb’oħra kkonferma li s’issa m’hawn…

Qorti

L-eks Direttur Ġenerali tal-Awtorità għas-Servizzi Finanzjarji, l-MFSA, Andre Camilleri qal li l-bank Pilatus ingħata l-liċenzja qabel irtira hu mill-Awtorità fl-2014 u ma kien hemm l-ebda raġuni għaliex il-bank ma kellux…

Qorti

Il-Qorti Kostituzzjonali ordnat lill-Gvern jikkumpensa €20,000 lill-koppja Cachia minn Tas-Sliema wara li nkiser id-dritt tagħhom li jgawdu l-proprjetà b’valur potenzjali ta’ €700,000 minħabba liġijiet antiki tal-kera li minħabba fihom id-dar…

Qorti

Il-Qorti tal-Appell Kriminali kkonfermat sentenza ta’ 10 snin ħabs li ngħata raġel li nstab ħati li abbuża sesswalment minn kuġintu fuq perjodu ta’ seba’ snin minn meta kellha seba’ snin….

Aktar