Qorti
ARA: Avukat jispiċċa l-Qorti wara li nstab fil-pussess tad-droga u darab Surġent

Avukat ta’ 36 sena nżamm arrestat wara li qed jaffaċċja akkużi li nstab b’pussess ta’ droga kokaina, ħebb għaż-żewġ ħutu, qabeż fuq karozza, għamel ħsarat fuq mutur, u hedded u darab ħafif surġent tal-pulizija.

L-Avukat Libjan Mazen Mohamed Tumi, kiser il-kundizzjoni tal-ħelsien mill-arrest fuq każijiet separati fejn fost oħrajn qed jaffaċċja akkużi ta’ ħsarat f’żewġ lukandi u appartament b’danni ta’ 47 elf ewro.

Il-Libjan, residenti tas-Sliema u ilu jgħix f’Malta ma’ qrabatu mill-2011 wara r-Rebbiegħa Għarbija, m’ammettiex l-akkużi kontrih, bid-difiża ma talbitx għall-ħelsien mill-arrest.

Il-Qorti, ippreseduta mill-Maġistrat Rachel Montebello, poġġiet lill-imputat taħt ordni ta’ trattament biex jirrijabilita mill-vizzju tad-droga. Il-Libjan inżamm arrestat fit-Taqsima Forensika tal-Faċilità Korrettiva ta’ Kordin.

tvm.com.mt għatta ġesti oxxeni li għamel l-imputat fil-konfront tal-ġurnalisti barra l-binja tal-Qorti.

 

Aħbarijiet Oħra
Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Sport

Matul it-tliet ijiem li ġejjin, l-atleti u l-uffiċjali ta’ Special Olympics Malta se jingħataw taħriġ minn ex Champion Olimpika Amerikana tal-għawm, Donna de Varona u tliet mibgħuta speċjali tal-isport mill-Istati…

Parlament

Illejla fil-Parlament qed isir id-diskors tal-Prim Ministru Joseph Muscat b’reazzjoni għall-baġit. Dan wara li lbieraħ sar id-diskors tal-Kap tal-Oppożizzjoni Adrian Delia. Id-diskors tal-lum qed jixxandar dirett fuq l-istazzjon TVM u fuq…

Aktar