Kultura
Awturi minn 9 pajjiżi taħt saqaf wieħed għall-festival Mediterranju tal-letteratura

Bħalissa qed issir l-erbatax-il edizzjoni tal-festival Mediterranju tal-letteratura mill-għaqda Inizjamed b’ sensiela ta’ avvenimenti, li jinkludu attività għall-pubbliku fil-Valletta Contemporary. Tnax-il awtur u awtriċi minn disa’ pajjiżi qed jieħdu sehem fl-edizzjoni tal-festival, li qed jiddiskuti kif il-letteratura u l-iżvilupp tas-soċjetà jitwaħdu flimkien.

Xogħol letterarju jista’ qatt ikun universali u jibqa’ relevanti minkejja ż-żmien u l-post meta jkun nkiteb? X’assoċjazzjoni għandha l-letteratura maż-żamma tal-istatus quo jew il-bidla? X’irwol għandhom il-qarrejja fil-letteratura? U kif jistgħu l-kittieba, edituri, riċerkaturi u kontributuri jtejbu l-kitba bil-Malti u bl-Ingliż fuq l-Internet?

Dawn huma wħud mit-temi li qed ikunu diskussi waqt il-festival Mediterranju tal-letteratura li se jkompli ifittex tweġibiet għal uħud mill-iktar temi kurrenti fil-letteratura. Għall-festival, minbarra kittieba Maltin, qed jattendu awturi mill-Kamerun, l-Indja, il-Venezwela, il-Ġermanja, l-Italja, ir-Renju Unit u Spanja.

L-awtriċi Spanjola mir-reġjun tal-Galicia, Yolanda Castano, ilha tippubblika l-poeżiji tagħha għal 25 sena. Tikteb bil-lingwa nattiva tagħha, il-Galizjan, li hija waħda mill-erba’ lingwi uffiċjali fi Spanja. Tgħid li tħossha kburija li qed tikkontribwixxi għas-sostenn ta’ din il-lingwa, minkejja li taqleb ukoll ix-xogħolijiet tagħha fil-lingwa Spanjola.

“I can only deal with good Spanish, because my command in Spanish is perfect, I am bilingual, that is why this is the only language that I can self translate, but I’m also being translated into English, French, Italian, and these days into Maltese as well,” qalet Castano.

Leanne Ellul mill-għaqda Inizjamed qalet li l-festival jiċċelebra l-multikulturalità minkejja li d-dimensjoni tiegħu hija Mediterranja. “Dawn huma suġġetti li jolqtu lil kulħadd, il-letteratura ġġibhom iktar qrib tagħna imma mhux biss… fil-fatt avveniment ieħor li jkollna li jgħaqqad lill-pubbliku ġenerali mal-awturi huwa l-Palk Ħieles.”

Leanne Ellul qalet li l-attività Palk Ħieles nħar l-Erbgħa fil-Valletta Contemporary kienet miftuħa għall-membri tal-pubbliku biex jikkontribwixxu bi kwalunkwe mezz artistiku li jixtiequ. Mil-lejla sas-Sibt se jkun hemm ukoll tliet iljieli fil-Forti Sant’ Iermu b’qari ta’ xogħlijiet li jkunu inqalbu mill-awturi, flimkien ma’ mużika u l-wiri ta’ films imsejsa fuq il-poeżija u attivitajiet ta’ qari għat-tfal.

Aħbarijiet Oħra
Kultura

Aktar tard din is-sena partijiet minn Malta mistennija jerġgħu jintużaw għall-film blockbuster. Il-film ġdid ‘Jurassic World 3′ mistenni jinħareġ fis-swali taċ-ċinema f’Ġunju tas-sena d-dieħla. L-aħħar film minn din is-serje kellu…

Politika

Il-Ministru Owen Bonnici qal li bħala Ministru tal-Edukazzjoni se jaħdem, fost affarijiet oħra, biex jiġu indirizzati nuqqasijiet fis-sistema biex ħadd ma jaqa’ lura, u biex iżjed nies ikomplu jistudjaw, anke…

Politika

Waqt żjara fil-ħwienet fil-Belt Valletta, il-Prim Ministru Robert Abela intlaqa’ mill-pubbliku, is-sidien, u l-ħaddiema tal-istabillimenti fi Triq ir-Repubblika. Dr Abela qal li l-Gvern qiegħed u ser ikompli jwettaq il-wegħda tiegħu…

Lokali

Tħabbret il-mewt ta’ Terry Jones; storiku u artist, magħruf l-iktar għas-serje televiża Monty Python and the Flying Circus. Terry Jones miet ta’  77 sena, wara li għall-aħħar erba’ snin kien…

Aktar