Saħħa
Azzjoni b’mira li sal-2030 jinqerdu mid-dinja l-AIDS, il-malarja u t-tuberkolożi

Mexxejja minn madwar id-dinja, fosthom il-Prim Ministru Joseph Muscat, attivisti u persuni affettwati bl-AIDS, it-tuberkolożi u l-malarja jinsabu f’Lyon fi Franza għas-sitt konferenza tal-fond dinji kontra dan il-mard, li kull sena jaħsad il-ħajja ta’ miljuni ta’ pazjenti.

Il-konferenza, organizzata mill-Gvern Franċiż, qed isir bil-għan li jinġabru kważi tlettax-il biljun ewro għal fond globali biex bejn l-2021 u l-2023 l-imwiet kawża tal-AIDS, it-tuberkolożi u l-malarja jonqsu bin-nofs.

Il-Fond Globali għall-ġlieda kontra l-AIDS, it-tuberkulożi u l-malarja twaqqaf sbatax-il sena ilu bil-għan li dan il-mard jiġi kontrollat. Minn dakinhar ‘il hawn hu stmat li ġew salvati mat-32 miljun persuna. Fost oħrajn, bis-saħħa tal-fond, ir-rata ta’ imwiet bl-AIDS naqsu bin-nofs. Madankollu għad hemm bosta sfidi li jridu jintrebħu.

“Kuljum, kważi elf tfajla u mara jiġu infettati bl-HIV. Kull żewġ minuti, tifel jew tifla jmutu bil-malarja. It-tuberkulożi llum titqies bħala l-aktar l-mard infettiva qattiela. Aktar minn għaxar miljun persuna fis-sena jimirdu bit-tuberkolożi.”

Il-President Franċiż, Emmanuel Macron, qed ilaqqa’ s-sitt konferenza tal-Fond Globali fost tħassib li dak li sar fl-aħħar snin kontra l-AIDS, it-tuberkulożi u l-malarja jista’ jintilef minħabba li f’xi pajjiżi dan il-mard qed jerġa’ jerfa’ rasu. Il-pjan hu li fit-tliet snin li ġejjin tingħata l-għajnuna lil madwar sittax-il miljun persuna u jiġu evitati miljuni ta’ infezzjonijiet.

Il-konferenza, li ssir kull tliet snin, hi pjattaforma biex donaturi minn madwar id-dinja jagħmlu l-wegħdiet finanzjarji tagħhom bil-għan li jintlaħqu l-miri tal-iżvilupp sostennibbli fosthom li l-AIDS, il-malarja u t-tuberkolożi jinqatgħu sal-2030.

Il-Fond Globali, iffurmat bi sħubija bejn il-qasam pubbliku u privat, hu meqjus bħala l-aktar finanzjament estern importanti fis-settur tas-saħħa f’ħafna pajjiżi Afrikani.

Mit-twaqqif tiegħu, il-Kummissjoni Ewropea kkontribwixxiet aktar minn żewġ biljun ewro u nofs. Din is-sena l-Unjoni Ewropea se tikkontribwixxi 550 miljun ewro.

Aktar minn 60 pajjiż jikkontribwixxu fil-Fond. Fil-Konferenza tal-Fond Globali, Malta hija rappreżentata mill-Prim Ministru Joseph Muscat u mid-Deputat Prim Ministru u Ministru għas-Saħħa Chris Fearne.

Aħbarijiet Oħra
Lokali

Il-Festival Nazzjonali tal-Ktieb organizzat mill-kunsill nazzjonali tal-ktieb se jsir online l-11 u l-15 ta’ Novembru minflok ma jsejjaħ in-nies f’dar il-Mediterran il-Belt Valletta. Dan minħabba s-sitwazzjoni tal-Covid-19 u l-pariri tal-Awtoritajiet…

Lokali

Melvin Theuma,  l-intermedjarju fil-qtil ta’ Daphne Caruana Galizia ġie rilaxxat mill-Isptar Mater Dei. Ġimagħtejn ilu huwa ddaħħal l-isptar wara li kien instab f’għadira f’demm b’feriti f’għonqu u fil-kustilji. Dan wara li…

Edukazzjoni

Bil-pjan tal-Gvern hu li f’Settembru jiftħu l-iskejjel, il-Ministru għall-Edukazzjoni Owen Bonnnici qal li għaddejjin taħdidiet biex it-tagħlim tat-tfal isir mis-sena skolastika li jmiss bil-miżuri meħtieġa kontra l-imxija tal-Covid. Dr Bonnici tkellem…

Saħħa

L-operazzjonijiet se jerġgħu jibdew min-nhar it-Tnejn li ġej iżda d-direttivi tal-Outpatients se jibqgħu fis-seħħ. Dan intqal mill-MAM fi stqarrija uffiċjali wara l-aġġornament tal-aħbarijiet li ta d-Deputat Mexxej, Dr Chris Fearne…

Aktar