Kisbiet
B’Aaron tieħu sehem fl-aktar kompetizzjoni Ewropea prestiġjuża tal-klieb

Tfajla ta’ 14-il sena ħadet sehem fl-aktar kompetizzjoni Ewropea prestiġjuża tal-klieb. Bil-kelb tagħha Aaron, li huwa tar-razza Basanji mill-Kongo, Riona Manicaro tħares ‘il quddiem li tikseb iżjed suċċessi.

Riona Manicaro fl-età ta’ 14-il sena qed titqies bħala waħda mill-ġenerazzjoni futuri tad-dog handlers. Fi tmiem il-ġimgħa li għaddiet, hija spiċċat mal-aqwa sitt handlers fl-Ewropa fil-kompetizzjoni tal-‘Euro Dog Show” fl-Awstrija. Kuntrarjament għal kompetizzjonijiet oħra tal-klieb, mhux il-kelb ġie aġġudikat imma d-dog handler.

“Il-ġurija jiġġudikawni kemm jiena kapaċi noħroġ l-aħjar tal-kelb. Jien għandi regoli li rrid insegwi bħal li jien ma niġix bejn il-kelb u l-ġurija. Din hija waħda mill-ikbar regoli tal-handling. Hemm oħrajn kif turi snien il-kelb…waqt li kont fil-Junior handling il-kelb irrid nuri r-razza tiegħu, inkun naturali kemm nista’ imma fl-istess ħin naqla’ lill-kelb, din hija d-differenza.”

Fl-Awstrija, hija ħadet sehem bil-kelb tagħha tar-razza Basanji.

“Jismu Aaron u għandu sentejn u nofs tar-razza Bazenji li hu oriġnat mill-Kongo fl-Afrika. Huma klieb li ma jinbħux u vera ndaf għax inaddfu lilhom infushom u klieb simpatiċi … Nibdielhom meta jkun żgħar, meta jkollhom dawk ix-xahrejn għax meta tħarreġ lill-kelb meta jkun żgħir il-kelb se jitgħallem iktar malajr u jkun mgħallem għal ħajtu kollha … inħarriġhom kuljum u nagħmel kwarta fuq kull kelb.”

In-namra ta’ Riona li tieħu sehem f’dawn il-kompetizzjonijiet bdiet 6 snin ilu meta kellha 8 snin. Riona qalet li l-ambizzjoni tagħha hija li s-sena d-dieħla mhux biss tieħu sehem f’kompetizzjonijiet tal-handlers iżda li tirbaħ.

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Aktar