Budget
Baġit 2019: Jiżdied jum leave u tiddaħħal żieda għal min għandu paga minima

Kull min huwa impjegat mis-sena d-dieħla se jibbenefika minn ġurnata oħra frank, wara li din is-sena l-Gvern beda jimplimenta l-wegħda elettorali li jagħti lura lill-ħaddiema l-ġranet tal-festi pubbliċi li jaħbtu fi tmiem il-ġimgħa.

Min jaħdem b’paga minima se jingħata aġġustament fit-tieni sena tal-impjieg tiegħu, b’żieda ta’ €3 fil-ġimgħa. Fit-tielet sena tal-impjieg imbagħad jerġa’ jingħata €3 oħra żieda fil-ġimgħa. Dan ifisser li l-ħaddiema li din is-sena kienu b’paga minima se jieħdu żieda ta’ €6 fil-ġimgħa sa sentejn oħra. Intant, iż-żieda għall-għoli tal-ħajja għal kulħadd se tkun €2.33 fil-ġimgħa.

Miżuri oħra għall-impjegati jinkludu tnaqqis fit-taxxa, fejn għal sena oħra se terġa’ tingħata rifużjoni tat-taxxa li se tolqot 200,000 persuna. Dawk li huma reġistrati bħala singoli għal finijiet ta’ taxxa u d-dħul tagħhom minn xogħol part-time li ma jaqbiżx il-paga minima, mhux se jibqgħu jiġu intaxxati.

Aħbarijiet Oħra
Xogħol

Fit-tieni kwart tas-sena, bejn April u Ġunju li għadda, Malta kellha t-tielet l-ogħla rata ta’ sejħiet għal impjiegi fis-suq tax-xogħol. Skont ċifri tal-Eurostat, il-postijiet tax-xogħol li kienu qed ifittxu l-ħaddiema…

Lokali

Tmien Kunsilli Lokali ngħataw bejniethom ‘il fuq minn mitt elf ewro minn Transport Malta wara li l-proġetti tagħhom għal trasport alternattiv li jagħmel ġid ambjentali ġew magħżula. Tliet kunsilli lokali,…

Lokali

Is-Segretarju Parlamentari għal Persuni b’Diżabilità u Anzjanità attiva Anthony Agius Decelis ħabbar li filwaqt li hawn 2,749 persuni b’diżabilità mpjegati fuq bażi full time, fadal 215 persuna b’diżabilità li qed…

Aktar