Budget
Baġit 2019: Opportunità lill-għalliema supply isiru eliġibbli għal pożizzjoni ta’ għalliem regolari

Fid-diskors għall-Baġit 2019, intqal li l-Istutut tal-Edukazzjoni se jkun qiegħed jiżviluppa l-korsijiet biex jagħti l-opportunità lill-għalliema supply f’livelli differenti biex wara li jtemmu l-korsijiet, isiru eliġibbli għal pożizzjoni ta’ għalliem regolari.

Il-Ministru Scicluna ħabbar ukoll li se jkun hemm ukoll il-possibbiltà biex dawk li jridu jbiddlu l-karriera u jsiru għalliema jagħmlu l-kors meħtieġ għal dan il-għan.

Issemma’ wkoll li l-edukaturi se jkunu, fil-jiem li ġejjin, jibbenefikaw minn korsijiet u metodi ta’ tagħlim ġodda.

Il-Ministru Scicluna qal li dan se jsir mhux biss bħala investiment fl-għalliema iżda wkoll biex jingħata l-aħjar tagħlim lill-istudenti.

Qal ukoll li kemm l-għalliema l-ġodda kif ukoll dawk li diġà qegħdin fis-servizz se jkunu mħarrġa biex ikomplu jsaħħu l-pedagoġija u jkomplu jaġġornaw ruħhom ma’ metodi ġodda ta’ tagħlim u korsijiet.

Il-Gvern se jkun qiegħed ukoll ikompli jtejjeb l-infrastruttura u l-immodernizzar tal-iskejjel.

Aħbarijiet Oħra
Sport

Isem Jan Mølby hu assoċjat mat-tim tal-futbol ta’ Liverpool. F’karriera ta’ tnax-il sena ma’ dan it-tim, Jan Mølby skorja 62 darba, b’żewġ terzi tal-goals minn penalty. Illum wasal Malta biex…

Infrastruttura

Manager f’sit tal-kostruzzjoni li tkellem ma’ TVM wera tħassib li minkejja l-esperjenza twila li għandu f’siti tal-kostruzzjoni, bir-regolamenti l-ġodda tal-bini u l-iskavar jista’ jitlef ħobżu. Aaron Chetcuti, li ilu sentejn…

Politika

Il-lejl li għadda d-Deputati tal-Partit Nazzjonalisti żammew fommhom sieket fuq l-għatba tad-Dar Ċentrali fi tmiem l-laqgħa tal-grupp Parlamentari. Uħud iżda dehru aktar lesti li jitkellmu dwar dak li għaddej fil-partit…

Aktar