Baġit 2019: Żieda fis-sussidju tal-kera – se jitneħħa t-test tal-mezzi

Il-Ministru tal-Finanzi Edward Scicluna qal fid-diskors tal-Baġit 2019 li se ssir riforma sħiħa fil-mod kif jinħadem is-sussidju fuq il-kera u fil-kriterji ta’ kif wieħed jikkwalifika għalih.

It-test tal-mezzi se jitneħħa għal kollox għaliex kienu qed jinqabżu numru ta’ persuni b’ċertu livell ta’ dħul, li għax qegħdin fil-kera mhux jibqgħalhom biżżejjed flus għal ħajja diċenti.

Minfloku, se jiddaħħlu kriterji ġodda għall-eliġibbiltà bid-dħul gross tal-familja u t-tieni l-kirja eżistenti taqbeż il-benchmark għal dik il-familja. L-applikant irid jissodisfa ż-żewġ kriterji biex ikun eliġibbli għas-sussidju.

Is-sussidju fuq il-kera se jiżdied ukoll. L-għajnuna se tkun tvarja minn massimu ta’ €3,000 għal €5,000 fis-sena skont iċ-ċirkostanzi tal-familja.

Il-Gvern qed jaħdem biex iniedi skema li se tkun qed tagħti inċentiv fiskali bi tnaqqis ta’ taxxa fuq il-bejgħ tal-propjetà għal 7 snin lis-sid li jikri b’rata iktar baxxa minn tas-suq.

Il-Ministru qal ukoll li b’mod obbligatorju se tidħol fis-seħħ ir-reġistrazzjoni tal-kirjiet mal-Awtorità tad-Djar u l-infurzar fuq ir-reġistrazzjoni tal-kera.

 

 

 

Aħbarijiet Oħra
Statistika

Minkejja ż-żieda fit-traffiku, ċifri maħruġa mill-Uffiċċju Nazzjonali tal-Istatistika juru li fit-tieni kwart tas-sena bejn April u Ġunju kien hemm tnaqqis żgħir fl-inċidenti tat-traffiku u fil-korrimenti fihom. Iċ-ċifri juru li f’dawn…

Annimali

Dalgħodu kull min kien qed igawdi ġurnata baħar fl-Għadira ħa sorpriża ħelwa hekk kif niżel jgħum man-nies fjammingu. Skont il-BirdLife, il-fjammingi żgħar, għalkemm ipassu mal-adulti, xi kultant jistpiċċaw jitbegħdu mill-grupp…

Kronaka

€15,400 mhux iddikjarati ġew konfiskati mill-uffiċjali tad-dwana fl-Ajruport ta’ Malta. L-uffiċjali waqqfu passiġġier li kien mistenni jitlaq minn Malta b’ammont ta’ flus mhux iddikjarati. Huwa ikkopera mal-uffiċjali fejn aċċetta li jiġu…

Kronaka

Ingliż ta’ 46 sena qed isofri minn ġrieħi gravi wara li kien involut f’inċident stradali fil-wied tal-Imsida. L-inċident seħħ bejn mutur tat-tip Piaggio Vespa misjuq mill-Ingliż residenti l-Għasri u vettura…

Aktar