Lokali
Baqa’ skantat b’dak li ra quddiem għajnejh f’San Pawl il-Baħar

Sewwieq li kien għaddej minn San Pawl il-Baħar baqa’ skantat b’dak li ra b’għajnejh u qasam l-esperjenza tiegħu fuq il-midja soċjali.

Ir-raġel qal li lbieraħ għall-ħabta tal-17:00, waqt li kien qiegħed isuq, lemaħ tarbija mal-ħġieġa ta’ wara ta’ karozza li nzertat quddiemu.

It-tarbija, kif tidher fir-ritratt, ma kinitx marbuta tant li spiċċat biex telgħet fuq l-għatu tal-bagoll.

Is-sewwieq qal li waqaf ikellem lill-mara li kienet qed issuq il-vettura biex jiġbdilha l-attenzjoni bil-perikli li t-tarbija tinsab fih iżda qal li l-mara wieġbitu li taf x’inhi tagħmel u li kienet għassa tat-tarbija bl-użu tal-mirja.

Intant, is-sewwieq qal li mar jagħmel rapport lill-Pulizija bis-saħħa tar-ritratt meħud bil-go pro li għandu mwaħħla mal-vettura tiegħu.

Aħbarijiet Oħra
Qorti

Gareth Chlach ta’ 21 sena ammetta li fit-3 ta’ Jannar aggredixxa u seraq portmoni ta’ anzjana ta’ 71 sena fis-subway ta’ ħdejn l-isptar Mater Dei. Hu ġie mixli li wettaq…

Saħħa

Celia Falzon ġiet appuntata bħala designate Chief Executive Officer tal-Isptar Mater Dei. Celia Falzon fil-preżent hi CEO tal-Ispiżerija tal-Għażla tiegħek. Hi għandha Master’s fl-Amministrazzjoni tan-Negozju (Business Administration) li jispeċjalizza fi…

Toroq

Għada, mis-6 ta’ filgħodu sal-4 ta’ waranofsinhar, se  jitkompla l-bini tal-flyovers tal-Marsa Junction Project. Waqt dawn ix-xogħlijiet, il-konnessjoni bejn Vjal Sir Paul Boffa u Triq Aldo Moro se tkun miftuħa…

Qorti

Tyrone Difesa ta’ 22 sena minn San Ġiljan ġie akkużat li kellu 262 gramma Cannabis f’ċirkostanzi li juru li ma kinetx għall-użu esklussiv tiegħu. L-Ispettur Joseph Xerri akkużah ukoll li…

Aktar