Lokali
Baqgħu ċċassati meta refa’ jdejh fuq martu fil-pubbliku

Numru ta’ persuni baqgħu bla kliem dalgħodu hekk kif raw raġel jerfa’ jdejh fuq martu fil-pubbliku.

L-inċident seħħ illum għall-ħabta tal-10:45, f’Tas-Sliema, meta mara u raġel kienu qed jarmaw ħanut. Ix-xhieda qalu lil TVM li l-koppja Maltija kienu qed iqandlu xi vetrina tqila meta r-raġel infaqa’ joffendi lil martu, telaq’ kollox minn idejh, fajjarielha u tajjrilha n-nuċċali minn wiċċha.

Ix-xhieda li tkellmu ma’ TVM qalu li r-raġel spiċċa f’dagħdigħa għax deherlu li martu ma kinetx qed tqandel il-vetrina sew. B’xorti tajba, raġel li kien inserta għaddej minn hemm mar iwaqqaf lil sid il-ħanut filwaqt li qallu li qatt m’għandu jerfa’ jdejh fuq mara.

Minflok daħal f’qoxortu, sid il-ħanut irvilla u qabad jheddu b’ritratti u filmati, mentri l-mara dehret imbeżża’ u mifxula.

Ix-xhieda fuq il-post ċemplu lill-Pulizija biex jirrappurtaw il-każ mentri uffiċjal tas-sigurtà mar minnufih fuq il-post.

Ix-xhieda stqarru ma’ TVM li hemm bżonn li l-vjolenza domestika tittieħed b’akbar serjetà mill-awtoritajiet l-għaliex ħafna drabi l-vittmi ma jsibux il-kuraġġ jitkellmu dwar it-tbatija u l-abbuż li jgħaddu minnu. Qalu wkoll li ma rnexxielhomx jaqbdu mal-għassa tal-lokalità, u għalhekk kellhom iċemplu minflok il-Kwartieri Ġenerali tal-Pulizija.

Ix-xhieda rringrazzjaw lir-raġel li kien l-uniku presuna preżenti li ma ħasibiex darbtejn biex jaqbeż għall-mara u għamlu appell biex kull min jiltaqa’ ma’ każ simili ma jibqax passiv.

Fl-2014, Malta daħħlet fis-seħħ strateġija biex tiżgura li l-liġi dwar il-vjolenza domestika u dik fuq il-ġeneru tirrifletti dak li ġie deċiż waqt il-Konvenzjoni ta’ Istanbul.

Aħbarijiet Oħra
Lokali

L-għada li l-Awtorità tal-Ippjanar wettqet azzjoni ta’ infurzar fuq fl-istallel fil-Marsa fejn kienu qed joqogħdu għexieren ta’ immigranti, is-sidien tagħhom jidher li żbarazzaw l-istallel. Sadanittant, TVM huwa infurmat li 37…

Lokali

Il-Mużew tal-Katidral fl-Imdina ngħata dimensjoni ġdida għax mhux ser jibqa’ biss post fejn ikunu esebiti artifatti prezzjużi iżda ser joffri opportunità ta’ tagħlim u post fejn artisti privati jesebixxu l-arti…

Ikel

Fl-Awstralja, l-ekoloġisti qed iwissu li n-numru ta’ kangaroos fis-selvaġġ m’għadux sostenibbli u qed iħeġġu lill-Awstraljani biex jieklu aktar laħam ta’ dan l-annimal li hu simbolu nazzjonali ta’ dan il-pajjiż imbiegħed….

Kultura

Għaddej b’ritmu mgħaġġel ix-xogħol ta’ restawr fil-Palazz tal-Gran Mastru fil-Belt fejn qed isir restawr fuq is-soqfa tal-kurituri u li huma mogħnija bil-pitturi. Ix-xogħlijiet ta’ restawr ser jiffukaw ukoll fuq l-art…

Aktar