Lokali
Barranin jilmentaw mill-istorbju li jġibu l-festi u oħrajn ifaħħruhom

Fl-eqqel tal-istaġun tal-festi fl-irħula u bliet Maltin qam dibattitu fuq is-siti soċjali dwar barranin li lmentaw mill-istorbju li jġibu dawn il-festi u xi Maltin li urtaw ruħhom minn dawn il-kummenti. Mara Russa li ilha tgħix Malta għaxar snin, Raisa Galea temmen li l-festi u anki l-murtali jagħtu rikkezza lill-kultura Maltija.

Ma nisgħux niċħdu li l-festi tradizzjonali Maltin jagħtu kulur lil kull belt u raħal, hemm min jaqbel u hemm min le, insegwu l-perspettiva tan-nies mhux biss ta’ Maltin iżda anki ta’ barranin.

F’dibattitu li qam fuq siti soċjali, kien hemm xi barranin li lmentaw mill-istorbju tal-festi f’Malta. Filwaqt li kien hemm Maltin li ħassewhom urtati b’dawn il-kummenti, Raisa Galea, Russa li ilha tgħix Malta għal għaxar snin qalet li jekk kien hemm xi barranin li kkummentaw dawn m’għandhomx jittieħdu f’kuntest ġenerali għaliex hi bħala barranija f’Malta tapprezza l-kuluri varji tal-kultura sabiħa Maltija u li l-vera theddida għall-festi u logħob tan-nar mhumiex l-ilmenti ta’ xi wħud.

Raisa Galea qal “it’s not conflict between Maltese and foreigners because there are Maltese that criticize festa..the major threat to fireworks is over building and over development and open space”

Raisa li tagħmel anki xogħol ta’ riċerka fuq il-kultura Maltija, qalet li fil-verità l-festi u anki l-murtali, bħala barranija f’Malta, jaffaxxinawha. TVM żar diversi festi, fosthom il-ħruġ tal-vara tal-Madonna tal-Karmnu fiż-Żurrieq fejn stajna ninnutaw passjoni kbira minn nies li għalihom il-festa hija parti ntegrali mill-ħajja tagħhom.

Natius Farrugia qal “min għandu kontra l-festi, għandu dritt, bħali li jien ma naqbilx imma ma jkunux kkulturati fl-ambjent tal-festi, kif qed taraw b’għajnejkom il-ferħ li hawn fiż-żurrieq hija inspjegabbli”.

Fiż-Żurrieq bħalma jiġri f’festi oħrajn, jispikka l-entużjażmu tal-parruċċani li jgħidu taqbiliet ta’ ferħ u qima lejn il-qaddis tal-patrun tagħhom.

Aħbarijiet Oħra
Lokali

Il-gvern ħabbar il-ftuħ tal-istaġun tal-insib tal-ħarifa għal żewġ speċi: il-pluviera u l-malvizz. Fi stqarrija tas-Segretarjat Parlamentari għall-Biedja, Sajd u Drittijiet tal-Annimali ntqal li wara li evalwa r-rakkomandazzjonijiet tal-kumitat Ornis, l-istaġun…

Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar