Ambjent
Bdiewa se jingħataw l-għajnuna biex jiffrankaw l-ilma

Bil-għan li anke l-bdiewa u r-raħħala jiffrankaw mill-konsum tal-ilma, l-Aġenzija tal-Immaginjar u Konservazzjoni tal-Ilma nediet kampanja bi skema ta’ €750,000 apposta għalihom, li tagħmel parti mill-kampanja nazzjonali għall-konservazzjoni tal-ilma bit-tema “L-Ilma Ibda Minnek”.

Il-Kap Eżekuttiv tal-Aġenzija tal-Enerġija u l-Ilma, Manuel Sapiano, qal li mill-iskema se jibbenefikaw 150 bidwi jew raħħal bl-ebda spejjeż għalihom. Spjega li kull attività agrikola magħżula se jsirilha investiment ta’ mhux aktar minn €5,000 f’interventi u apparat bil-għan li l-ilma jintuża bilgħaqal. L-interventi jvarjaw minn bidliet sempliċi bħal titjib fis-sistema tat-tisqija u xogħlijiet fil-ġibjuni.

“Uffiċjali mill-kampanja se jmorru jitkellmu ma’ dawn il-bdiewa jew raħħala. Flimkien magħhom jiżviluppaw il-miżuri li hemm bżonn minħabba li nemmnu li kull għalqa jew razzett huwa każ tipiku, każ differenti. L-involviment tas-sid li jħaddem dak ir-razzett huwa importanti biex il-miżuri li jiġu żviluppati jkunu jolqtu l-bżonnijiet partikolari ta’ dik l-attività.”

Is-Sur Sapiano qal li flimkien mal-bidwi jew raħħal se jsir monitoraġġ, bil-għan li jiġu identifikati l-miżuri meħtieġa. Qal li l-bdiewa jew raħħala jridu jkunu full-time, reġistrati mad-dipartiment tal-agrikoltura, l-art trid tkun tagħhom u u l-art trid tkun akbar min-nofs ettaru.

Il-Ministru għall-Enerġija u l-Ilma Joe Mizzi qal li s-settur agrikolu huwa wieħed mill-aktar li jikkonsma ilma. Qal li bl-interventi li se jsiru, il-bdiewa u r-raħħala se jnaqqsu n-nefqa tagħhom fuq l-ilma.

Is-Segretarju Parlamentari għall-Biedja, Sajd u Drittijiet tal-Annimali, Clint Camilleri, qal li b’miżuri bħal dawn qed tingħata għajnuna diretta lill-bdiewa u r-raħħala, waqt li qed titħares ir-riżorsa tal-ilma.

L-applikazzjonijiet jintlaqgħu sal-4 ta’ Ottubru u jistgħu jinkisbu online fuq ilma.org.mt, jew fiċ-ċentru nazzjonali għall-konservazzjoni tal-ilma ‘Għajn’ fir-Rabat.

Aħbarijiet Oħra
Ambjent

Il-Wasteserv bdiet il-proċess biex tkabbar il-faċilitajiet tagħha fil-Magħtab. Madwar għoxrin bidwi fl-inħawi li bejniethom għandhom madwar 250,000 metru kwadru ta’ raba’ ġew infurmati li l-Wasteserv qed tikkunsidra li tespropja din…

Kronaka

Raġel ta’ nazzjonalità barranija ġie arrestat wara li allegatament saq fuq uffiċjal tal-pulizija. L-inċident seħħ għall-ħabta tas-17:30 fl-akkwati ta’ Buġibba u ġie arrestat ftit tal-ħin wara fil-Mellieħa. Aktar dettalji fil-ħin…

Lokali

Il-kumpanija Steward Health Care Malta ppreżentat lill-Awtorita tal-Ippjanar applikazzjoni ta’ żvilupp għall-Isptar San Luqa biex fi kliemha jerġa’ jingħata l-ħajja bħala sptar modern li jinkludi aċċessibiltà aħjar għall-ispazji miftuħin u…

Għawdex

Għadha attiva ħafna fuq l-aġenda tal-gvern l-idea li Malta jkollha sistema ta’ metro, tant li l-Ministru Ian Borg ikkonferma ma’ TVM li l-istudju dwar dan jinsab fl-aħħar fażi tiegħu u…

Aktar