Barranin
Bdot Ċiniż pprojbit mit-titjir wara ritratt ta’ mara fil-cockpit

Bdot Ċiniż spiċċa pprojbit għall-ħajtu mit-titjir, wara li passiġġiera mara tellgħet ritratt tagħha fuq is-siġġu tal-bdoti fil-cockpit.

Il-bdot, li saħansitra huwa kaptan, spiċċa f’baħar ta’ nkwiet, wara li l-mara ppużat għal ritratt, li iktar tard xerrdet fuq il-midja soċjali tagħha. Fir-ritratt hi tidher bilqiegħda fuq is-siġġu tan-naħa tax-xellug tal-cockpit, jiġifieri fejn normalment ipoġġi l-kaptan. Quddiema kellha xi ikel u xorb, waqt li mar-ritratt kitbet, “kemm jien kuntenta, grazzi għall-kaptan!”

Jidher li r-ritratt ittieħed f’Jannar li għadda fuq titjira bejn Guilin għal Yangzhou, operata minn Air Guilin. Fi stqarrija, il-linja tal-ajru Ċiniża qalet li l-bdot mar kontra regulazzjonijiet tas-sigurta tal-ajru. Minekejja li l-każ seħħ ammont ta’ xhur ilu, il-linja tal-ajru saret taf bih biss nhar il-Ħadd li għadda, wara li rċeviet kopja tar-ritratt.

Intqal kif il-mara qed titħarreġ biex tkun ‘flight attendant’.

Il-linja tal-ajru Guilin, intant, ma speċifikatx jekk ir-ritratt itteħidx waqt li l-ajruplan kien mal-art, jew waqt it-titjira, iżda analisti u bdoti Ċiniżi qed jindikaw li din tal-aħħar hija l-iktar xenarju reali.

Il-bdot, li ismu ma ingħatax lill-midja, ġie pprojbit li jtir għall-ħajtu. Madanakollu għadu mhuwiex magħruf jekk ġiex imkeċċi mill-irwoli kollha li jokkupa mal-linja tal-ajru. Air Guilin qalet li d-deċiżjoni ħadita fuq il-bażi li tpoġġi l-ewwel u qabel kollox is-sigurtà tal-passiġġieri u l-membri oħrajn tal-ekwipaġġ, u li l-bdot naqas minn dan kollu meta daħħal “nies irrelevanti fil-cockpit.”

Skont il-liġijiet tal-Amministrazzjoni Ċivili tal-Avjazzjoni Ċiniża, passiġġieri jistgħu jidħlu biss fil-cockpit f’ċirkostanzi ‘speċjali’.

Membri oħrajn tal-ekwipaġġ li kienu involuti fl-inċident ukoll ġew sospiżi.

Aħbarijiet Oħra
Barranin

Pulizija f’Kalifornja, fl-Istati Uniti, issejħu fis-sigħat bikrin ta’ filgħodu biex joffru għajnuna mhux tas-soltu. Ors kbir, li huwa magħruf fiż-żona ta’ Kings Beach bl-isem ta’ T-Shirt, daħal ġo skip biex…

Barranin

Il-Prinċep Andrew tal-Ingilterra ċaħad li kellu x’jaqsam sesswalment ma’ tfajla ta’ 17-il sena lura fl-2001. L-allegazzjoni qed issir minn Virginia Guiffre, li qalet li kienet iltaqgħet mal-Prinċep f’bar, li żifnet…

Barranin

F’Venezja ħarġet twissija oħra għal għada hekk kif il-livell tal-ilma mistanni jaqbeż il-metru u nof. Tħabbar li l-pagamenti li r-residenti ta’ Venezja jħallsu għad-djar tagħhom se jiġu sospiżi għal sena…

Barranin

Inċident sfortunat ħalla tarbija ta’ sentejn mejta wara li tqaċċat air conditioner mit-8 sular ta’ binja. Omm kienet qed tmexxi lil bintha f’pushchair f’żona residenzjali f’Toronto meta seħħ l-inċident. It-tifla…

Aktar